Moon Dance хамтлаг Дэлхийн аваргад VI байрт шалгарлаа
Латин формейшн бүжгийн Дэлхийн аварга шалгаруулах тэмцээн өчигдөр Германы Бремен хотод явагдлаа. Энэ удаагийн Дэлхийн аварга шалгаруулах тэмцээнд онцгой тохиолдол болж 6 биш 7 хамтлагийг финалын эцсийн шатанд үлдээсэн байна. Эцсийн шатанд Монгол улсаа төлөөлөн оролцсон Moon dance хамтлаг болон бүжгийн спорт маш өндөр хөгжсөн Германы хоёр баг, ОХУ-ын хоёр баг, Австрийн хоёр хүчирхэг баг шалгарсан юм.
Ийнхүү долоо дахь удаагаа Дэлхийн аварга шалгаруулах тэмцээнд оролцсон Moon dance VI байранд шалгарснаар, Финалистийн цомыг 4 дэх удаа хүртжээ.
Moon Dance хамтлаг уг тэмцээнд үндэсний бахархал болсон "Шонхор" шувуунаас сэдэвлэсэн үзүүлбэрээр оролцсон бөгөөд Michel & Amazonka брэнд тэдний хувцсыг урлажээ.