Засгийн газрын өнөөдрийн хуралдаанаар удахгүй болох Цагаан сарын баярыг тэмдэглэх тухайд хэлэлцсэн байна. XVII жарны "Буян үйлдэгч" хэмээх усан бар жилийн Билгийн тооллын хаврын тэргүүн сарын шинийн нэгэн 2022 оны хоёрдугаар сарын 2-ны өдөр тохиож буй бөгөөд цар тахлын нөхцөл байдалтай уялдуулан Ерөнхий сайд Л.Оюун-Эрдэнэ УОК-т үүрэг чиглэл өгчээ.
Үүнд, Төрийн золголт хийхгүй байх, айл, өрх, иргэд цомхон хүрээнд тэмдэглэх, өргөн нийтээр тэмдэглэхгүй байх зөвлөмж гаргахыг УОК-т даалгасан байна.
