Сүүлийн 24 цагт коронавирусийн халдварын 773 тохиолдол бүртгэгдсэний 33 нь зөөвөрлөгдөн ирсэн тохиолдол байв. Мөн манай улсад омикрон хувилбарын 12 тохиолдол бүртгэгдсэнийг өнөөдөр Эрүүл мэндийн яам зарлалаа. Тиймээс иргэдийг халдвар хамгааллын дэглэмээ сайтар баримталж, вакциндаа идэвхтэй хамрагдахыг уриалав.
Түүнчлэн өнөөдөр Эрүүл мэндийн сайдын тушаал гарч иргэд сайн дураараа коронавирусийн эсрэг дархлаажуулалтын IV тунд хамрагдах боломжтой боллоо. Гэхдээ III тунгаа хийлгээд гурван сар болсон иргэд дархлаажуулалтын IV тунд хамрагдах юм.
