1 мин
Жейсон Момоа, Лиза Бонет нар 16 жилийн хамтын амьдралаа дуусгаж, салахаар шийджээ
"Хаан ширээний тоглоом" цувралын од Жейсон Момоа, жүжигчин Лиза Бонет нар салж байгаагаа инстаграм хаягаар дамжуулан мэдэгджээ. Хос хоёр цаашдын амьдралаа нэр төртэй, үнэнч шударгаар үргэлжлүүлэхийн тулд салалтаа ийнхүү нийтэд мэдээлж байна гэсэн байна.
Өдгөө 42 настай жүжигчин Жейсон Момоа 54 настай эхнэр Лиза Бонеттайгаа 2004 онд танилцаж, жилийн дараа болзож эхэлсэн юм. Тэд таван жилийн өмнө гэрлэсэн бөгөөд дундаасаа Лола, Накоа-Волф хэмээх охин, хүү хоёртой билээ.
Харин Лиза Бонетын өмнөх гэрлэлтээс төрсөн том охин Зое Кравиц нь 33 нас хүрчээ.
Эх сурвалж: Daily Mail