Н.Батсуурь: Май, энэ малгайгаа та нар ав
Шинэ үндсэн хууль батлагдсаны 30 жилийн ойд зориулсан хүчит бөхийн барилдаан яг одоо Монгол бөхийн өргөөнд болж байна. Уг барилдааны бүртгэлийг хоёр хоногийн туршид цахимаар урьдчилан хийсэн юм. Улсын аварга Н.Батсуурь барилдахаар бүртгүүлээгүй ч өчигдөр өөрийн цахим хуудсандаа "Маргааш барилдана" хэмээн мэдэгдээд байв.
Хэлсэн ёсоороо барилдаанд зодоглохоор ирсэн ч хэдийн барилдах бөхчүүд бүрдсэн учир Үндэсний бөхийн холбоо түүнийг барилдуулсангүй. Үүнд уурссан Н.Батсуурь малгайгаа шидэлж "Май, энэ малгайгаа та нар ав" хэмээн хэлээд явж одов.
Түүнээс допингийн төрлийн бодис илэрч, барилдах эрхээ 11 сараар хасуулсан ч энэ шийтгэл нь хэдийн дуусгавар болоод буй.
Сануулахад, өнгөрсөн оны 12-р сарын 29-нд зохиогдсон Тусгаар тогтнолоо сэргээн мандуулсны 110 жилийн ойн барилдаанд Улсын арслан Ц.Содномдорж урьдчилан бүртгүүлээгүй ч барилдаан эхлэх үед ирж зодоглосон билээ.
ДУЯА 2022.01.13 202.21.118.198
УРЬДЧИЛЖ БҮРТГҮҮЛЭЭГҮЙН ӨӨРИЙНХ НЬ БУРУУ Л БАЙХ. ТЭХДЭЭ ЮМАНД АНХНААСАА ЯГ ТАГ ЗАРЧМАА БАРИМТАЛДАГГҮЙ, ИЙМ Л ЯЛГАВАРТАЙ ХАНДДАГ ДАА МАНАЙ МОНГОЛ.
1 0 Хариулах