Галт тэргээр аялах дуртай хүмүүс байна уу? Та бүхэнд дуулгах сайхан мэдээ байна. Баруун Өмнөд Европ Зүүн Өмнөд Азийг холбосон галт тэрэгний шинэ маршрут нээгдлээ. Иберийн хойгт орших Португали улсаас Малайн хойг дахь Сингапур хүртэл төмөр замаар аялах боломжтой болжээ. 11.654 бээр буюу 18.000 гаруй км замыг зөвхөн галт тэргээр 21 хоног туулах энэхүү сонирхолтой аялал дэлхийн хамгийн урт төмөр замын маршрут гэгдэж байна.
Үүнээс өмнө Лондонгоос Сингапур хүрэх Транс Сибирийн аялал хамгийн урт маршрут гэгдэж байсан ба Лаос Хятадын хооронд төмөр зам тавьснаар энэхүү аялал боломжтой болж, өмнөх амжилтыг эвдээд байна.
Жуулчид ихээр очдог Португалийн Лагос хотоос эхлэх энэ аялал замдаа Парис, Москва, Бээжин, Бангкок зэрэг хотуудад зогсож галт тэрэгний засвар үйлчилгээ болон сэлгээ хийх юм. Хэрэв аялагч та хангалттай цагтай яваа бол замдаа тэдгээр хотуудад саатаж ч болох гэнэ.
