Нидерландын Эрүүл Мэндийн байгууллагаас явуулсан судалгаанд оролцсон 22 хүн тутмын 17-оос нь буюу 77 хувиас нь цусан дахь бичил хуванцар илэрсэн тухай "Environment International" сэтгүүл мэдээллээ.
Цусан дах хуванцар хүний эрүүл мэндэд хэрхэн нөлөөлдөг нь одоогоор бүрэн тодорхойгүй байгаа ч бичил хуванцрууд нь лабораторийн нөхцөлд хүний эсийг "аймшигтайгаар" гэмтээдэг нь тогтоогдоод буй.
"Асар их хэмжээний хуванцар хог хаягдал дэлхий даяар хаягдаж, Эверестийн оргилоос эхлээд далайн ёроол хүртэл дэлхий бүхэлдээ хуванцраар дүүрсэн гэхэд хилсдэхгүй. Хүмүүс энэ жижиг хуванцрын тоосонцрыг хоол хүнс, усаар амьсгалахаас гадна санамсаргүй байдлаар ууж идэж буй" хэмээн судалгаанд онцолжээ.
Судалгаанд оролцогчдын цуснаас дээж авахад тал хувиас нь ундааны саванд өргөн хэрэглэгддэг "PET" хуванцар, гуравны нэгээс нь хүнсний болон бусад бүтээгдэхүүнийг савлахад ашигладаг полистирол гэх бодис илэрчээ.
Бага насны хүүхдийн цуснаас насанд хүрсэн хүмүүсийнхээс арав дахин их бичил хуванцар илэрсэн нь "аюулын дохио" хэмээн эрдэмтэд анхаарууллаа.
Эх сурвалж: The Guardian
Нийтэлсэн: Э.Талстболор
