Зураач, дүрслэх урлагийн онолч Василий Кандинский “Өнгө нь шууд сэтгэлд нөлөөлдөг” хэмээн хэлсэн билээ. "Улаанбаатар" олон улсын медиа урлагийн наадмын хүрээнд Германы экспериментал уран бүтээлч Али М.Демирелийн хэсэг видеог шэйдэр ашиглан рендерлэсэн "Төвийг зорих өнгөнүүд" 360 дэлгэцийн шинэ медиа бүтээлийг энэ сарын 23-нд 20:30 цагаас White Rock төвд толилуулах аж. Тодруулбал, түүний дөрвөн видеонд Пластикмэны сор болсон хөгжмөөс холбожээ. Гэвч ингэж холбохдоо ямар ч синк хийгээгүй. Нэг төрлийн синестези туршилт юм. Та ЭНД дарж тасалбарыг худалдан авах боломжтой.
Али Демирел Берлинд ажиллаж амьдардаг. Түүний бүтээлд физик, архитектурын боловсрол тусгалаа олсон байдгаараа онцлогтой. Мөн минималист дүрслэл ба саундыг ашиглан өөрийн өвөрмөц зохиомжийг гаргаж ирдэг юм. Али Демирелийн "Төвийг зорих өнгөнүүд" бүтээлийг үзүүлэхэд Demimoors-ийн Dj Nomt та бүхэнтэй хөгжмөөрөө хамт байх болно. Монголын урлагийн зөвлөлөөс зохион байгуулдаг “Улаанбаатар” олон улсын медиа урлагийн наадам энэ сарын 16-23-ны өдрүүдэд “Дархлах тун” сэдвийн хүрээнд зохион байгуулагдаж байгаа юм.
