Хайх зүйлээ бичнэ үү

2 мин

Хатан хаан II Элизабетыг үдэх ёслолоос онцлох 5 мөч


70 жил төр барьж, Британийн иргэддээ төдийгүй дэлхий дахинаа хүндлэгдсэн Их Британи, Умард Ирландын Нэгдсэн Вант Улсын Хатан хаан II Элизабет энэ сарын 8-нд мөнх бусыг үзүүлж, өчигдөр оршуулгын ёслол нь болж өндөрлөв. Шинэчлэл, уламжлалын заагт, хоёр зууныг дамнан төрийн эрхийг барьсан тэрбээр цаг зуурын бартаанд хөл алдахгүй, төвшин төрхөөрөө бодолд тодрон үлджээ.
Авга ах VIII Эдуард нь төрийн эрхийг аваад нэг жил ч болоогүй байхдаа хаан ширээнээс татгалзаж, дүү нь буюу VI Жорж хааны суудалд очих хүртэл тэрбээр тэс өөр ирээдүйг зураглаж байв. Гэвч 26 настайд нь аав VI Жорж нь өвчний улмаас өөд болсон учир II Элизабет нэрийг авч, хатан хаан болсон түүхтэй. 

Британичууд салах ёс хийхээр Лондоны Вестминстерийн сүмийг зорин, 10 гаруй км урт дараалалд зогсож, хатны шарилд мөргөх ээлжээ хүлээсэн. Ингээд өчигдөр эцсийн замд нь үдэж ёсолсон билээ. 


Шинэхэн хаан III Чарльз хатан эхдээ зориулан Бакингэм ордон болон Кларенс хаусаас биечлэн сонгосон цэцэгс онцгой бэлгэдэлтэй аж. Мандарваа, сарнай, барын чих, шимтэглээ цэцэгсийн зэрэгцээ дурсахуйг бэлгэдсэн розмарин, аз жаргалтай хамтын амьдралыг бэлгэддэг мирт мод, хайрын хүчийг бэлгэдсэн англи царсны мөчир зэрэг багтжээ. 


Өглөө бүр цонхных нь доор 15 минут тоглож хатан хааныг сэрээдэг байсан шотланд цуур хөгжимчин “Sleep, Dearie, Sleep” дуугаар түүнийг үдэв. 


II Элизабет агсныг корги ноходгүйгээр төсөөлөх аргагүй. Нохдыг нь түүний хүү, ханхүү Эндрю авах аж. Хатан хааны хайртай давжаа морь Эмма мөн оршуулгын ёслолд нь оролцов. 


Угсаа залгамжлах хунтайж Уильям болон түүний гэргий Кэйт Миддлтон нар нэр хүндтэй, рэйтингэд үргэлж дээгүүр дэмжлэгтэй байдаг. Оршуулгын ёслолын үеэр тэд ханхүү Жорж, гүнж Шарлоттыг хөтлөн яваа нь нүдэнд тусав. 

Кэйт Миддлтон нэгэнтээ II Элизабетийн дуртай чимэглэл байсан, дөрвөн эгнээ сувдан хэлхээ бүхий зүүлтийг зүүжээ. II Элизабет Японы төрийн түшээдийн бэлэглэсэн сувдыг хүссэн загвараараа зүүлт болгосон нь тэр аж.  


Хатны шарилын араас зэрэгцэн алхаж яваа хунтайж Уильям, ханхүү Харри нарыг харсан олон нийт ээжийнх нь оршуулгыг нэхэн санав. Диана гүнж нас барахад Уильям нь 15, Харри нь 12 настай байлаа. 


Асар хурдтай хөгжил, их өрнөл дунд тогтвортой байдлын бэлгэ тэмдэг, хөдөлшгүй бат тулга болж ирсэн II Элизабет нас нөгчсөн нь хаант засаглалын тухай өрнүүн хэлэлцүүлгийн эх болно гэж үзэх хүн олон байна. Эзэнт гүрэн, колоничлолын түүх нь орчин цагийн байр суурь, дэлхий дахины байгуулалтай хэрхэн эвцэлдэн орших вэ, Их Британийн өнгө төрх хэрхэн өөрчлөгдөх вэ гэдгийг дэлхий нийт анхааралтай ажих биз ээ. 

Хамгийн их уншилттай
1
2022.09.09
Хатан хаан II Элизабетийн тухай "хайр хүргэм" 12 БАРИМТ
2
2022.09.13
Эммигийн тайзнаа Зендаяг Леонардо Ди Каприотой болзоход "хөгшдөх" тухай хошигнов
3
2022.09.20
“Би 2018 оны наймдугаар сарын 17-ноос шар өнгөнд дуртай болсон”
холбоотой мэдээ
1
Уржигдар
ЭЕРЭГ МЭДЭЭ | Есдүгээр сард дэлхий дахинд өрнөсөн 9 эерэг үйл явдал
2
3 өдрийн өмнө
Путин цэргийн дайчилгаа зарласны дараа Оросоос гарах нислэгүүд ЭРС нэмэгджээ
3
3 өдрийн өмнө
Том Харди тулааны урлагийн тэмцээнд нууцаар орж, ЯЛАГЧ болжээ
санал болгох
1
Уржигдар
Жонни Дэппийн болзож буй өмгөөлөгч Жоэль Ричийн тухай 6 баримт
2
Уржигдар
Онцлох сайт: Солонгос, англи, хятад зэрэг таван хэлээр үнэгүй үлгэр сонсож, уншиж болох...
3
Уржигдар
О.Анхзаяагийн "Lost in Sound" (Анирт алсрах нь) номоос онцлох 12 ЭШЛЭЛ

Энэ мэдээнд өгөх таны сэтгэгдэл?
6
1
0
0
2
0
0
2

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.