Букайо Сака 120 хүүхдийн хагалгааны зардлыг хандивлажээ
"Арсенал" болон Английн шигшээ багийн 21 настай хөлбөмбөгчин Букайо Сака Нигерийн Кано хотын 120 хүүхдийн хагалгааны зардлыг хандивлажээ. Тэрээр "Эдгээр мэс заслын үр дүнд хүүхдүүдийн амьдралыг сайжруулахад хувь нэмрээ оруулах болсондоо аз жаргалтай байна" хэмээн өгүүлсэн аж.
Английн шигшээ баг дэлхийн АШТ-ий эхний тоглолтоо өнөө орой 21:00 цагаас Ирантай хийнэ. Сака "Дэлхийн аваргад тоглох хүүхэд насны мөрөөдөл маань биеллээ!" хэмээн твиттер хуудаснаа жиргэжээ.
Түүний "Букайо" нэр нь Нигерийн өмнөд хэсгийнхний ярьдаг ёруба хэлнээс гаралтай бөгөөд "аз жаргал нэмнэ" гэсэн утгатай юм.