Германыг хожсон тоглолтын дараа Японы хөгжөөн дэмжигчид цэнгэлдэхийг цэвэрлэжээ
Хөлбөмбөгийн ДАШТ-ий ээлжит тоглолтын үеэр Японы шигшээ баг дэлхийн дөрвөн удаагийн аварга Германы багийг 2:1 харьцаатайгаар буулган авч түүхэн ялалт байгуулаад байна.
Тэгвэл Японы хөгжөөн дэмжигчид тоглолтын дараа үлдэн бөөнөөрөө Халифа цэнгэлдэхийн хог хаягдлыг түүн цэвэрлэсэн нь олны сэтгэлийг хөдөлгөлөө.
Хөгжөөн дэмжигчид хувцас ороолт, Японыг илтгэх нүүр будалтаар ижилссэн бөгөөд бүгд урьдчилан бэлтгэсэн том уут барин цэнгэлдэхийг тойрон алхаж хаягдсан хуванцар, аяга, шил лааз, бүр хаягдсан их хэмжээний Германы далбааг ч цэвэрлэжээ.
"Цэнхэр самурай" хэмээн танигдсан Японы хөгжөөн дэмжигчид нь тэмцээн дууссаны дараа сойз, хог түүгч хүртэл гарган цэнгэлдэх талбайг нягт нямбай цэвэрлэдгээрээ алдартай юм. Тэд бүр тоглогчдын өрөө, заалыг ч цэвэрлэж, оригами бүтээлээр чимжээ.
Тэднийг өнгөрсөн удаа ОХУ-д болсон сүүлийн дэлхийн аваргын тэмцээний үеэр тоглогчдын өрөөг цэвэрлэсэн байхыг харсан тоглогчид "Баярлалаа" хэмээн бичиг ч үлдээсэн удаатай.
Эх сурвалж: Vox