Фото: Хөвсгөлийн "Мөсний баяр 2023"-ын уур амьсгалыг мэдэрцгээе
Хөвсгөл аймагт өвлийн аялал жуулчлалыг хөгжүүлэх зорилгоор жил бүр зохион байгуулдаг “Мөсний баяр-2023” гуравдугаар сарын 1-5-ны өдөр болж байна. Манай UB LIFE сайтын хамт олон та бүхэндээ Мөсний баярын уур амьсгалыг мэдрүүлж, сонирхолтой контентууд бэлдэхээр Хөвсгөл аймагт ирээд байгаа билээ. Тун удахгүй өөр олон зураг, бичлэгийг хүргэх тул таалан болгооно уу.
Баярын үеэр хүүхэд томчууд цана чаргаар гулгаж, тэшүүрээр тэшиж хөгжилдөж байна.
Энд хуушуур, хорхог, шорлог, бүр загасны махтай хуушуур гээд олон төрлийн амттай хоолоор үйлчилж байгаагаас гадна Хөвсгөлийн урлаачдын бүтээлүүд, мөн цагаан идээ, утсан загас, чихэр, жимсний нухаш ч дэлгэгдсэн байлаа. Сонирхолтой зургийн үзэсгэлэн ч гарсан байна.
Морин чаргаар явах үнийн тарифын хувьд ойрхон зайтай газар нэг хүний таван мянга, жаахан зайтай бол хүний арван мянга гэж байлаа.
Өнгөлөг гоё дээл хувцастай хүмүүс ихээр цуглажээ. Энэ жил 35 мянга гаруй хүн цуглана гээд байсан нь нээрээ л үнэн санагдсан шүү. Тун удахгүй манай Мөсний баярын fashion фото сурвалжлага орох үеэр та бүхэн гоё дээл хувцаснууд сонирхоорой.
Тайзан дээр янз бүрийн дуу хөгжим, бүжгийн үзүүлбэрүүд ээлжлэн гарч байсан нь үнэхээр сонирхолтой байлаа.
Гадаа дулаахан, хэт хүйтэн биш байсан нь уур амьсгалыг улам бүр гоё болгож байна.
Мөсөн дээрх волейбол, сээр цохих тэмцээн, мөсний сумо, чаргатай морины уралдаан гээд олон тэмцээн уралдаан ар араасаа хөвөрсөөр.
Мөсний баярт анх удаа явж үзсэн бидний хувьд ганц өдөрт л гэхэд 18 км-тэй тэнцэх хэмжээний алхсан байгаа нь тун таатай байлаа. Огтхон ч ядарсан шинжгүй өдөржин алхаж, явж, уйдахгүй байгаа нь үнэхээр гоё.
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Тархиа хөгжүүлэх энгийн 12 арга
Хүн хөгширвөл хөшиж үхдэг гэдэг шиг тархийг ч мөн адил ачаалуулахгүй бол сэтгэн бодох чадварт нөлөөлөх нь бий. Иймд тархий хөгжүүлж, сэргэг байхад тань туслан энгийн хэрэгсэл, хөгжөөнт тоглоомуудыг хүргэе.
Фото: Интернэтийг эзэгнэж буй топ 10 МУУР
Цахим сүлжээнд хэзээ ч моодноос гардаггүй гол сэдэв бол муур гэдгийг та мэдэх үү? Хөвсгөр зөөлөн, өхөөрдөм энэ амьтад он удаан жил хүн төрөлхтний хайрыг татсаар буй. Цаашдаа ч татсаар байхыг дараах зургуудаас харж болно. Угаас яаж тэднийг хайрлахгүй байж болох вэ дээ?
Адал явдлаа эхлүүлж, аялалдаа бэлдэх 8 хэрэгтэй зүйл
Солиотой сонсогдож магадгүй гэхдээ аян замд повер банкныхаа цэнэглэгчийг хурдан гарзадмааргүй байгаа бол хөргөгчид хонуулаад үзээрэй. Учир нь ихэнх цэнэглэдэг батарейнууд хүйтэн температурт хадгалахад бүрэн цэнэгийнхээ 90% -ийг хадгалдаг.
Удахгүй Монголд тоглох “Ride” хамтлагийн тухай бидний мэдэх ёстой баримтууд
1. “Ride” хамтлаг нь 1988 онд Оксфордод байгуулагдсан Английн рок хамтлаг юм.