2 мин

Энэ 7 хоногт өрнөсөн ЧУХАЛ 8 үйл явдал

Г.Сүрэн 2023.03.10

Энэ долоо хоногт манай улсад өрнөсөн, онцлон мэдүүштэй үйл явдлуудыг хураангуйлан хүргэж байна.

267 жилийн дараа монгол хүн Монголын Бурхан шашны тэргүүн X Богдоор тодорсон нь ил боллоо.

IX Богд Жавзандамба хутагт нас барснаас хойш 11 жил өнгөрсөн бөгөөд энэ хугацаанд Х Богдыг тодруулсан гэх боловч өнөөг хүртэл тодорхойгүй байв. Далай ламын айлдвараар X Богдоор тодорч буй 8 настай хүү "Монполимент" группийн үүсгэн байгуулагч УИХ-ын гишүүн асан Ц.Гарамжавын зээ аж.

“Шувуу ажиллагаа“-ны хүрээнд Монголд авчрах 92 хүний нэрсийг зарлалаа.

Засгийн газраас дэвшүүлсэн "Шувуу ажиллагаа"-ны хүрээнд авлига, албан тушаалын гэмт хэрэгт сэжиглэгдэж мөрдөн шалгах ажиллагааны явцад оргон зайлсан хүмүүсийг гадаад улсаас авчирах ажиллагааг гадаадын 23 улстай эрх зүйн харилцан туслалцах гэрээний хүрээнд эрэн сурвалжилж, эх оронд нь дуудан ирүүлэх ажиллагааг зохион байгуулахаар боллоо.

Нөөцийн хонины махыг 8600 төгрөгөөр худалдана.

Нийслэлийн хүн амын хаврын улирлын махны хэрэгцээнд зориулан 12 аж ахуйн нэгж 7858.9 тонн махны нөөцөлсөн бөгөөд энэ сарын 15-наас нийслэлийн есөн дүүргийн 457 хүнсний дэлгүүрээр худалдаж эхлэхээр боллоо.

Автомашины шинэчилсэн бүртгэл, тооллого өнөөдөр эхэлнэ.

Автомашины шинэчилсэн бүртгэл, тооллого өнөөдрөөс эхлэх бөгөөд тооллогоор жил болгон техникийн үзлэгтээ ордог, татвар, даатгалаа төлдөг, хаяг, байршил нь тодорхой байгаа тээврийн хэрэгслүүдийг дахин тоолохгүй.

Их цэвэрлэгээний явцад 20,000 тонн хог хаягдлыг 5,000 удаагийн рейсээр тээвэрлэж, төвлөрсөн цэгт хүргэлээ.

Халдварт Өвчин Судлалын Үндэсний Төвөөс томуу болон амьсгалын замын халдварт өвчний өнөөгийн байдлын талаар мэдээлэл өглөө.

Амбулаториор үйлчлүүлж буй хүүхдүүдийн 60 орчим хувь нь 0-4 насныхан байгааг нийт эцэг эхчүүдэд сэрэмжлүүллээ.

Эрт илрүүлэх үзлэг, оношилгоонд 860 мянга гаруй хүн хамрагдаад байна.

Үзлэгийн үеэр өвчлөл бүртгэгдсэн тохиолдлоос шүд цоорох өвчлөл 61.5 хувийг эзэлж байна. Тиймээс шүдний өвчлөлд анхаарах зайлшгүй шаардлага байгааг салбарынхан онцлов.