Мишель Йео Оскарын шилдэг эмэгтэй жүжигчний шагнал хүртээд хэлсэн үгэндээ "Энэ шагнал бол өнөө орой намайг үзээд сууж байгаа бяхан охид, хөвгүүдэд итгэл найдвар, боломжийг түгээсэн гэрэл гэгээ юм. Энэ бол мөрөөдөл биелдгийн баталгаа юм. Бүсгүйчүүд ээ, хэн ч таныг цаг үеэ өнгөөрсөн гэж хэлэхийг бүү зөвшөөр. Хэзээ ч битгий бууж өгөөрэй. Би энэ шагналаа ээждээ, дэлхийн бүх ээжүүдэд зориулж байна. Учир нь тэд бол жинхэнэ супер баатрууд юм. Тэдэнгүйгээр бидний хэн нь ч энд зогсож байхгүй байх байлаа" гэсэн юм.
Тэгвэл энэхүү сэтгэл догтлом мөчийг Мишель Йеогийн ээж Жанет Йео Малайзын Куала Лумпур хотоос гэр бүлийнхээ гишүүдийн хамт хуваалцжээ. Тэрбээр охиноо ухаалаг, хөдөлмөрч, эелдэг нэгэн хэмээгээд "Би охиндоо маш их хайртай, тэр Малайзын бахархал болж чадлаа" гэж сэтгэл догдлон ярьсан байна.
Мөн Малайзын Ерөнхий сайд Анвар Ибрахим, Залуучууд, спортын сайд Ханна Ёо, Эмэгтэйчүүд, гэр бүл, олон нийтийн хөгжлийн сайд Нэнси Шукри тэргүүтэй хүмүүс Мишель Йеод баяр хүргэжээ.
Эх сурвалж: AFP, AP
