К-поп ертөнцийн хамгийн алдартай хамтлагууд болох BTS, BLACKPINK-ийн хоёр гишүүн үерхэж байгаа гэх мэдээлэл аль дээрээс хойш хүмүүсийн анхаарлыг татаж, үнэн эсвэл худал эсэх дээр шуугиан дэгдээд байв.
Харин өнгөрсөн шөнө тэд Парис хотод гар гараасаа хөтлөлцөн явж байхдаа папарацид өртсөн байна.
Энэхүү бичлэгийг Францын сэтгүүлч Амар Таоуалит хийсэн бөгөөд өөрийн TikTok дээр пост хийжээ. Тэд үнэхээр BTS хамтлагийн V, BLACKPINK хамтлагийн Женни нар мөг байсныг тэрээр батлаад байгаа юм.
Мөн тэдэнтэй цуг өөрсдийнх нь менежерүүд ардхан талд нь явж байсныг ч баталжээ.
Өмссөн хувцас, алхаа гишгээ нь хүртэл мөн болохыг хүмүүс анзаарсан аж. Ийнхүү К-поп ертөнцийн хамгийн том болзооны дуулиан шуугиан улам бүр эрчээ авлаа.
Эх сурвалж: ELLE.COM
