UBLife Logo
Кино

Каннын эргэн тойронд: Женни, "цустай" даашинз, "Dua Lipa"-ийн шинэ амраг

О.Анхзаяа
О.Анхзаяа
Каннын эргэн тойронд: Женни, "цустай" даашинз, "Dua Lipa"-ийн шинэ амраг

Каннын кино наадам яг одоо дэлхий дахины анхааралд байна. Шинэ шилдэг уран бүтээлүүд ар араасаа кино наадам дээр нээлтээ хийж, эргэн тойронд нь олон сонирхолтой үйл явдал өрнөсөөр байна. Тэр дундаас онцлох үйл явдлуудыг хүргэж байна.


BLACKPINK хамтлагийн Женни улаан хивсний ёслолд хүмүүсийн харааг булаалаа

Женни, Лили Рөүз Депп, The Weeknd, Трой Сиван нар хамтдаа хүмүүсийн харцыг яаж булааж байсан гээч. Тэр дундаас хүмүүс яг одоо Женниг хамгийн ихээр ярьж байна. Түүний тоглосон "The Idol" хэмээх HBO-ийн цуврал 6 сарын 4-нд нээлтээ хийх гэж байгаа билээ. 


Украины далбааг бэлгэдсэн өнгийн даашинз өмссөн эсэргүүцэгчийг Каннын кино наадмаас гаргав

Тэр эмэгтэй Жаст Филиппотын "Acide" киноны нээлтийн үеэр гарч иржээ. Тэрээр жүжигчдийг явж байх үед гэнэт гарч ирсэн бөгөөд хүмүүсийн нүдэн дээр даашинз дээрээ хуурамч цус асгаж орхижээ.


Мартин Скорсезегийн "Killers of the Flower Moon" кино хүмүүсийг шуугиулж байна

Леонардо ДиКаприо, Роберт Де Ниро, найруулагч Мартин Скорсезе нарын хамтрал яг одоо дэлхий дахиныг шуугиулж байна. 

“Killers of The Flower Moon” кино өнгөрөгч бямба гарагт нэлэтээ хийж, хүмүүс 7 минутын турш зогсолтгүй алга нижигнүүлэн ташсан гэнэ. 


Ирина Шейкийн даашинз гал гал.

37 настай загвар өмсөгч Ирина Шейк даваа гарагт Каннын кино наадам дээр бараг юу ч өмсөлгүй очсон байна. 

Дотуур хувцас болон нэвт харагддаг материалтай хувцас, улаан уруулын будаг нь хүн бүрийн харцыг өөртөө татсан гэхэд буруудахгүй.


Женнифер Лауренс Каннын кино наадмын хамгийн үзэсгэлэнтэй эмэгтэй байлаа. Гэхдээ бас хувцасны кодыг зөрчжээ.

32 настай жүжигчин Женнифер Лауренс маш үзэсгэлэнтэй улаан даашинзаар гоён иржээ.

Энэ жил тэрээр Афганистаны бүсгүйчүүдийн дуу хоолойг хүргэсэн “Bread and Roses” хэмээх баримтат бүтээлийн продюсероор ажилласан юм.

Тэрээр сандаалтай ирсэн нь хувцасны кодыг зөрчсөн ч түүний өөрөөрөө байгаа байдал хүмүүсийг ихээр татаж хайрыг нь татсан юм.


Дуа Липа шинэ харилцаагаа олонд зарлалаа

Кино найруулагч Ромайн Гаврас болон дуучин Дуа Липа нар хамтдаа улаан хивсний ёслолд оролцжээ.

Найруулагч Ромайн Гаврас "The King of Algiers" киногоороо энэ жилийн Каннын кино наадамд оролцож байгаа билээ. Тэд хэр удаан үерхэж байгаа тухай мэдээлэл одоогоор алга байгаа аж.


Харрисон Фордын шинэ киноны тухай

"Indiana Jones and the Dial of Destiny" бүтээл өнгөрсөн пүрэв гарагт Каннын кино наадмын үеэр нээлтээ хийлээ. Үзвэрийн дараа үзэгчид зогсоо зайгүй алга ташилт бэлэглэн, сайхнаар хүлээн авсан байна. 

Эхний анги нь гарснаас хойш 40 орчим жил өнгөрөөд байгаа бөгөөд өдгөө 80 настай жүжигчин ийнхүү хайртай цуврал бүтээлдээ баяртай хэмээн хэлж байна. Гэхдээ Rotten Tomatoes сайт дээр киноны үнэлгээнүүд ороход хүмүүс ихэд гайхширчээ. Учир нь мэргэжлийн кино шүүмжлэгчдээс одоогийн байдлаар 49 оноо аваад байгаа юм. 

ЭНЭ МЭДЭЭНД ӨГӨХ ТАНЫ СЭТГЭГДЭЛ?
2
1
4
1
1
0
0
0

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.