2 мин

Дэлгэцийн уран бүтээлч болгох СУИС-РТМУС-ийн элсэлт эхэллээ

О.Анхзаяа 2023.05.25 1 1

РТМУС нь Сэтгүүл зүйн тэнхим, Телевиз киноны тэнхим, Дуун техник технологийн тэнхим, Медиа анимейшний тэнхим гэсэн дөрвөн тэнхимтэй бөгөөд салбартаа олон жил ажилласан дадлага туршлагатай багш нар оюутан суралцагсдад хичээл заадаг гэдгээрээ онцлогтой сургууль билээ. Тэд дараах мэргэжлүүдээр элсэлтээ авч эхэлжээ.

СУИС-ийн Радио Телевиз Медиа Урлагийн сургууль энэ жил; 

Медиа Анимейшн

Сэтгүүлч

Кино Телевизийн найруулагч

Зураглаач

Дууны найруулагч

Радио Телевизийн инженер зэрэг өсөн дэвших, хөрвөх боломжтой мэргэжлүүдээр элсэлт авч байна.

Сэтгүүлзүй

Радио, телевизийн салбарт ажиллах бусад мэргэжлийн буюу зураглаач найруулагч, дууны найруулагч, инженерийн ангийн оюутнуудтай хамтарч бүтээл хийх радио продакшн, ТВ продакшн хичээлүүд ордог бөгөөд энэ нь оюутан төгсөхөөс өмнө ажлын байранд эзэмших дадлага туршлага болон багаар ажиллах чадварыг эзэмших давуу талтай. Сэтгүүл зүй мэргэжлээр суралцагчид нь сурах орчин нөхцөл бүрдсэн мэргэжлийн студи болон компьютерын лабораториудад онолын болон практик мэдлэг, чадвар дадлыг системтэй эзэмшиж, нийгмийн хэрэгцээ шаардлагад нийцсэн боловсролын үйлчилгээг авах бүрэн боломжтой аж.

График дизайн, Медиа Анимейшн

Мэргэжлийн хичээлүүдийн тал хувь нь урлаг, уран зургийн хичээл байдаг, мөн анимейшны үндсэн төрлүүд болох Уламжлалт, Стопмоушн, 2D, 3D анимейшний төрлүүдийг бүгдийг нь зааж сургадгаараа бусад адил төстэй сургалт хөтөлбөрүүдээс ялгардаг.

Медиа уран бүтээлч нь дизайны өргөн мэдлэгтэй, мэдрэмжтэй, бүрэн болон богино хэмжээний киноны визуал график эффект, анимейшн, реклам зар сурталчилгаа, клип, стопмоушн, реклам зар сурталчилгаа, телевизийн тайз засал чимэглэл, 3D график модель хийх бүрэн боломжтой аж.

Дуун техник технологи

Радио, телевизийн техникийн засварын инженерээр мэргэшиж төгсөнө. Сургалтын лаборатори, техник хэрэгсэл, танхимаар бүрэн хангагдсан тул хүссэн зүйлээ мэргэжлийн түвшинд сурч, заалгах боломжтой. Дуун бичлэгийн студид 100% ажиллах чадвартай мэргэшиж төгсөхөөс гадна давхар олон төрлийн чадварт суралцах боломжтой аж. 

Кино телевиз

Кино телевизийн тэнхим нь 1996 онд Радио Телевизийн мэргэжилтэн бэлтгэх зорилгоор найруулагч, зураглаач мэргэжлээр элсэлт авч төгсгөсөн анхны тэнхимүүдийн нэг. Монголын уламжлалт соёл урлагийн үнэт зүйлийн мөн чанарыг ухан ойлгосон, орчин үеийн техник технологийн дэвшилтэт ололтод тулгуурлан уламжлал, шинэчлэлийг хослуулан, дэлхийн соёл урлагт өөрийн хувь нэмрээ оруулах чадвар бүхий мэргэжилтэн, судлаач, уран бүтээлч бэлтгэх зорилготойгоор ажиллаж байна.

Та бүхэн элсэлтийн тухай илүү дэлгэрэнгүй мэдээлэл авахыг хүсвэл сонирхож буй мэргэжлийн дагуу дараах хүмүүстэй холбогдоорой:

Медиа анимейшн: (976)-90770106, 95869436
Найруулах урлаг: (976)-98117763
Дуу чимээний технологи: (976)-80182289
Сэтгүүл зүй: (976)-99054378
Радио дэлгэцийн техник технологи: (976)-80182289
Зураг авалт: (976)-99184726

О.Анхзаяа 2023.05.25