1 мин
Cardi B өөдөөс нь уух юмаа шидсэн үзэгч рүү микрофон шиджээ
Г.Сүрэн 
2 
1 
Өнгөрсөн бямба гарагт Лас Вегаст болсон тоглолтын үеэр Cardi B-г тайзан дээр дуулах үед ойрхон зогсож байсан нэгэн үзэгч түүн рүү гартаа барьсан шингэн уух юмаа шидсэнд дуучин зөрүүлж микрофоноо шиджээ.
Cardi B өөрийн 2018 оны алдарт "Bodak Yellow" дуугаа дуулах үед үзэгч өөдөөс нь аягатай уух юмаа цацаж буй бичлэг олон нийтийн сүлжээнд тархаад байна. Хамгаалагч нар маш хурдан дуучныг хамгаалахаар ухасхийсэн ч амжаагүй аж. Уух юмаа цацсан үзэгчид танхайрсан, хүний бие махбодод халдсан хэргээр эрүүгийн хэрэг үүсгээд байна.
Алдартай уран бүтээлчдийг тайзан дээр дуулах үед юм шидэх тохиолдол сүүлийн үед ихсээд байна. Өнгөрсөн сард Вена хотод болсон Харри Стайлсийн “Love on Tour” тоглолтын үеэр урд эгнээний нэгэн үзэгч түүн рүү утсаа шидсэн нь нүдийг нь онож тоглолтоо зогсоохоос аргагүйд хүрч байв.
Энэ жил л гэхэд Latto, Drake, Ava Max, Kelsea Ballerini, Pink зэрэг уран бүтээлчид тайзан дээр нисэн ирсэн эд зүйлд оногдож хохирчээ.
Эх сурвалж: Today
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
Ub.life