Италид нөхөртэйгөө цуг зоог барихаар явж байсан эмэгтэй Gente di Mare гэх ресторанд хавч захиалж, тогоочийг хоолоо хийж эхлэхээс нь өмнө амьдаар нь авч яваад далайд нь эргүүлэн тавьсан явдал гарчээ.
Тэрээр Каталан хавч захиалсан байна. Харин рестораны ажилчид сошиалд "Эхлээд бид түүнийг тоглож байна гэж бодсон. Гэвч дараа нь эмэгтэйг үнэхээр үнэнээсээ ярьж байгааг, бас тэр эмэгтэйг сайн үйл хийх гэж оролдож байгааг нь ойлгосон" гэж бичжээ.
Ажилчид хавчийг гал тогооны өрөөн дэх устай хоргоноос авч жинлэж үзэхэд бараг 2кг жинтэй байсан бөгөөд 200 еврогийн үнэтэй болжээ. Ингээд бүсгүй хавчийг устай хувинд хийж гарсан бөгөөд усанд тавьж явуулсан байна.
Ажилчид эмэгтэйг үнэхээр жаргалтай байгааг хараад сэтгэл нь ихэд хөдөлсөн гэнэ. Бид дэлхий дээр бусад амьтдын хамтаар амьдардаг. Боломж л гарвал сайн үйл хийж, тэдэнд тусалж байх нь чухал гэдгийг энэ эмэгтэй өөрийн үйлдлээрээ харуулсан байна. Бичлэгийг ЭНД дарж үзээрэй.
