Канадын МакЖилийн Их сургуулийн профессор Дариус Валевичиусаар ахлуулсан судалгааны баг дуу хөгжим сэтгэл зүйд хэрхэн нөлөөлдгийг судлан сонирхолтой үр дүнг танилцууллаа. Судалгаанд оролцогчид танил бус дуу хөгжмөө бус өөрсдийн дуртай, сонсож дадсан дуу хөгжмөө сонсоход сэтгэл нь тайвшран тайтгарч, сэтгэл түгшүүр арилж, толгойн өвдөлт нь намжиж байжээ. Үүнээс үндэслэн сэтгэл зүйг эмийн эмчилгээгээр бус дуу хөгжмөөр анагаах шинэ жор бүтээж болохыг ч судлаачид онцолж байна.
Дуртай дуу хөгжмөө сонсоход хүний гипоалгези буюу өвдөлтөд хариу үзүүлэх мэдрэмтгий чанар буурдаг нь яг л өвчин намдаагч эм шиг харилцан үйлчлэл үзүүлэх аж. Судлаачид тодорхой нэг жанр төрлийн хөгжим хүний сэтгэл зүйг тайтгаруулж буй эсэхийг судлахад ямар төрлийн дуу гэдгээс үл хамааран хүний өөрийнх нь дуртай дуу хүчтэй нөлөө үзүүлж байжээ.
Тэгэхээр та дараагийн удаа сэтгэлээр унаж, толгой өвдөж, стресст өртвөл яаран өвчин намдаах эм уухаас урьтан дуртай хөгжмөө тайван гэгч нь сонсоод үзээрэй.
Эх сурвалж: Neurosciencenews
