Монгол сүмоч хоёроор нэмэгдлээ
Вандан Даваа, Фүкүока.
Мэргэжлийн сүмо бөхийн энэ оны сүүлийн башё болох 11 дүгээр сарын тэмцээн Фүкүокад наймдахь өдрөө үргэлжилж байна. Энэ сарын 18-нд мэргэжлийн сүмогийн сорилт барилдаанаа дүүргэн, ирэх оны банцүкэд албан ёсоор сүмо бөх болон чансаа бичигдэх шинэ сүмочдыг барилдааны дундуур дохён дээр үзэгч олонд зарлан танилцуулах ёслол боллоо.
Мэргэжлийн сүмод шинээр таван залуу орсны хоёр нь монгол залуус байлаа. Түүний нэг нь болох Баянхонгор аймгийн Баянцагаан сумын уугуул Ш.Далайбаатар манай анхны сүмоч Н.Цэвэгням Кёкүтэнхо буюу Оошима багшийн дэвжээнд элсэж, Кёкүкайюү нэрээр барилдах болжээ. Н.Цэвэгням Кёкүтэнхо Оошима оякатагийн хувьд дэвжээний эзэн болоод анхны монгол шавиа ийнхүү дохёнд гаргалаа. Ш.Далайбаатар нь 15 настайдаа Японы Асахигаока ахлах сургуульд Б.Чойжилсүрэнгийн хамтаар шалгаран ирж, улмаар хамтдаа Японы биеийн тамирийн их сургуульд элсэн орж, сонирхогчдын сүмогоор барилдаж байжээ.
Ономацү дэвжээнд элсэн орсон Б.Чойжилсүрэн нь Увс аймгийн уугуул бөгөөд өнгөрсөн оны Бүх Японы оюутны сүмогийн аварга юм. Тэрээр энэ амжилтаараа макүшита зиндааны 15-аас энэ сарын башёд анх барилдаж эхлээд байна.
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Дархан аварга Г.Өсөхбаярын хүү жонидан зиндаанд түрүүллээ
Хуучин Миягино дэвжээний бөх Сэйхакүхо Ө.Дэмиджамц
Белла Хадид алдарт Adidas-ийг шүүхэд өгөх үү?
Белла Хадидийг сурталчилгаанаас буулгаж, бүх зургийг устгасан байна.
ОУОХ боксын IBA холбоог гишүүнчлэлээсээ бүр мөсөн хаслаа
Олимпын гэр бүлээс хасагдаж байна
Монголын шинэ сүмоч Гоосэйзан
3 бөх маэзүмо барилдсанаас нэг нь Монголын шинэ залуу байлаа.