iPhone, Apple Mac, iPad зэрэг IOS үйлдлийн системтэй дижитал төхөөрөмжүүдэд байдаг нэг сул талыг хэрэглэгчид төдийлөн анзаардаггүй. Өмнө нь FaceTime буюу видео дуудлагыг ашиглаж тухайн хэрэглэгчийн яриаг чагнах, дуудлага авахаасаа өмнө юу хийж байсныг мэдэх боломжтой байжээ. Apple компани энэ алдааг зассан ч хэрэглэгчийн хувийн мэдээллийг задлах эрсдэлтэй жижиг алдаанууд байсаар байна. Тухайлбал, Apple-ийн төхөөрөмжүүдэд хэрэглэгчийн очсон байршил бүрийг хадгалж үлдээдэг тохиргоо одоо ч байдаг. 'Significant Locations list' нэртэй уг функци нь таны очсон байршил бүрийг минут, секундээр нь бүртгэн хадгалдаг.
Хэрэв таны төхөөрөмж уг тохиргоог идэвхжүүлсэн эсэхийг мэдэхийг хүсвэл дараах алхамыг гүйцэтгээрэй. Мөн энэ нь танд тухгүй санагдаж байвал идэвхгүй болгох боломжтой юм.
Алхам 1: Settings хэсгийг нээх
Алхам 2: Доош гүйлгэж Privacy хэсгийг сонгох
Алхам 3: Location Services цэсийг дарах
Алхам 4: Доош гүйлгэж System Services хэсгийг сонгох
Алхам 5: Significant Locations цэсийг дарах (хурууны хээгээ таниулахыг хүснэ)
