15 жил "ажил тасалсан" эмнэлгийн ажилтныг шүүхэд дууджээ
Италийн Катанзаро хотын эмнэлгийн ажилтан 15 жилийн турш ажил тасалсан хэргээр шүүхэд дуудагдсан тухай BBC мэдээллээ. Тэр өөрийгөө 2005 онд уг эмнэлгээс гарсан гэж мэдэгдсэн ч эмнэлгээс албан ёсоор гараагүй тул 15 жилийн турш ажлын бүтэн цагаар бодон нийт 650 мянган ам.долларын цалинг олгожээ.
Ийнхүү эмнэлгийн ажилтныг 15 жил ажил тасалсан хэргээр, эмнэлгийн 6 удирдах албан тушаалтныг албан тушаалаа урвуулан ашиглаж, хууль бус цалин олгосон хэрэгтнээр шүүхэд дууджээ.
Өнгөрсөн 15 жилийн хугацаанд эмнэлгийн удирдлага удаа дараа өөрчлөгдсөн ч бүгд тухайн "ажил таслагч"-ийн цалинг бүтэн цагаар бодон олгосоор байжээ. 67 настай нэрийг нь нууцалсан ажилтан өнгөрсөн хугацаанд өөр албан ёсны ажил огт хийдэггүй байсан тухай эх сурвалжууд мэдээлэв.
Эх сурвалж: BBC