1 мин
Богино хэмжээний зохиол хэвлэж өгдөг автомат машин хэрэглээнд нэвтэрчээ
Б.Саруул
4 
1 
Хүмүүс завгүй болохын хэрээр үргэлжилсэн үгийн зохиол, зузаан ном уншиж дуусгахад бэрхшээлтэй болжээ. Тэгвэл Short Éditionнэртэй Францын компани энэ асуудлыг шийдвэрлэх зорилгоор нэгэн сонирхолтой үйлчилгээ нэвтрүүлжээ. Тодруулбал, автомат машинаас уух зүйл, тамхи, чихэр худалдаж авдаг байсан үе улирч, богино хугацаанд уншиж дуусгахуйц сонирхолтой зохиол авах боломж бүрдээд байна.
Тус компани ердөө ганцхан товчлуур дарахад л Виржиниа Вулф, Чарльз Диккенс, Энтони Хоровиц зэрэг алдартай зохиолчдын бичсэн нэг, хоёр, таван минутад уншиж дуусгах боломжтой богино бичвэрүүдийг байгальд ээлтэй, эко цаасан дээр хэвлэж гаргадаг байна.
Богино хэмжээний зохиол хэвлэдэг хамгийн анхны автомат машиныг 2011 онд Парисын Шарль де Голль нисэх онгоцны буудалд байрлуулж байжээ. Одоогийн байдлаар дэлхий даяар 200 байршилд уг машиныг байрлуулаад байгаа ба нийт 8000 зохиолчийн бичсэн 3 сая орчим богино зохиолын сантай болжээ. Автомат машин хэдэн саяар хэмжигдэх зохиолын сантай учраас хэрэглэгч хүссэн зохиолоо сонгох боломжгүй бөгөөд санамсаргүйгээр гарч ирсэн бичвэрийг л унших гэнэ.
Canary Wharf-аас явуулсан судалгаанаас үзэхэд, Их Британид хүмүүс жил бүр 53 сая номыг уншиж дуусгалгүй орхидог байна. Судалгаанд оролцогчдын 36 хувь нь өнгөрсөн нэг жилд ердөө ганцхан ном л уншиж дуусгасан гэж хариулсан бол 30 хувь нь хамгийн сүүлд хагас жилийн өмнө л ном уншсан гэж хариулжээ.
Эх сурвалж: We Forum
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа