2 мин

The Hu хамтлагийг дэлхий даяар сонсдгийг батлах 4 баримт

Ж.Мөнхзул 2019.12.06 18 12 4

1066

2016 онд байгуулагдаад, тун удалгүй дэлхий дахины анхааралд өртөж, өдгөө барууны хөгжмийн ертөнцөд өнгө төрхөө тунхаглаад буй The Hu хамтлагийг энэхэн дэлхийн өнцөг булан бүрт сонсдгийг батлах 4 баримтыг танилцуулж байна. Тэдний дебют цомог “The Gereg” нэртэй худалдаанд гараад удаагүй ба хамтлаг ирэх оны 7 дугаар сар хүртэл дэлхийгээр аялан тоглох аж. 

1.Spotify стрийминг үйлчилгээний платформ оны төгсгөлд уран бүтээлч тус бүрийг тухайн жилд хэр их стриймдэж сонссон тоон мэдээлэл гаргадаг билээ. Энэ оны хувьд The Hu хамтлагийг дэлхийн 79 орны 1.3 сая сонсогч 15.3 сая удаа стриймдэн сонсохдоо нийт 1.1 сая цаг зарцуулжээ. 

2. Тэдний аялан тоглолтын хуваарийг үзэхэд АНУ, Европын орнуудаас гадна Өмнөд Америк, Азийн орнуудад хийх тоглолтын тов содон харагдаж байна. Бразил, Аргентин, Чили, Япон улсуудад 3, 4 дүгээр сард зочлох ажээ. 

3. Хүнд рок, метал хөгжим сонирхогчдын цэнгэлийн манлай болсон фестивал бол Францын Клиссон хотод жил бүр болдог “Hellfest” наадам юм. Ирэх жилийн энэ наадам 6 дугаар сарын 19,20,21-нд товлогдсон ба death болон хүнд металын хамгийн алдартай хамтлагууд болох “System of a Down”, “Deep Purple”, “Sepultura”, “Obituary”, “Cradle of Filth” зэрэг 160 гаруй хамтлаг тоглох юм. Тэдгээрийн дотор The Hu хамтлагийн нэр буйг фестивалийн албан ёсны товьёгоос харж болно. 

4. Английн алдарт дуучин, Сэр Элтон Жон өнгөрсөн сард “Rocket Hour” радио шоуны үеэр тус хамтлагийн дууг тоглуулж, сүүлийн жилүүдэд олж сонссон хамгийн гайхалтай хөгжим маань энэ байлаа хэмээсэн юм. Хамтлагийнхан өөрсдөө ч мөн Элтон Жонтой фейстаймдсан тухайгаа фейсбүүк хуудсандаа тэмдэглэсэн байна. 

Ж.Мөнхзул 2019.12.06

1066