Коронавирусийн эсрэг тэмцэгчид
БНХАУ-д коронавирусийн халдвар эрчимтэй тархаж буйн улмаас эрүүл мэндийн байгууллагын ажилтан, цагдаагийн албан хаагчид, мөн хүргэлтийн компанийн ажилтнууд өндөр ачаалалтай ажиллаж байна. Covid-19 (албан ёсны нэршил) өмнө нь гарч байсан SARS вирустэй харьцуулахад халдварлах чадвар хэд дахин өндөр гэгдэж буй. Мөн иргэдэд тусламж үзүүлж байсан эмнэлгийн ажилчид вирусийн халдвар авсан тохиолдол хэд хэдэн удаа бүртгэгджээ. Хэдийгээр халдвар авах эрсдэлтэй боловч эдгээр албан хаагчид үүргээ үргэлжлүүлэн гүйцэтгэсээр байна.
Хүргэлтийн компанийн ажилчид өндөр ачаалалтай ажиллаж байна
Хятадын The Paper хэвлэлийн гэрэл зурагчин Жу Вэйхуй Шанхай хотын Минханг дүүрэгт хоол, хүнсний бүтээгдэхүүн хүргэж буй ажилтны зургийг даржээ. Гэрэл зурагчин Жу Вэйхуйгийн ярьснаар, тус ажилтан Динг Донг гэх хүнсний бүтээгдэхүүний хүргэлтийн компанид ажилладаг гэнэ.
Одоогийн байдлаар коронавирусийн халдвар БНХАУ-ын бүх мужид бүртгэгдээд байгаа бөгөөд халдвар авахаас болгоомжилсон иргэд гадагшаа гарахаа больж, JD.com, Алибаба гэх мэт онлайнаар захиалга өгч, хүргэлт хийдэг компаниудад найдахаас өөр аргагүй байгаа аж. Харин хүргэлтийн компаниуд ажилчиддаа маск, бээлий, ариутгалын бодисоор хангаж байгаа гэнэ. Синьхуа агентлагийн мэдээлснээр БНХАУ-д өнгөрсөн сард хүнсний бүтээгдэхүүний үнэ 20 орчим хувиар нэмэгдсэн гэжээ.
Хэдийгээр Шанхай хот коронавирус хүчтэй тархаж буй халдварын голомт биш боловч хотын удирдлагууд өнгөрөгч даваа гарагаас эхлэн иргэдийн хөл хөдөлгөөнд хязгаарлалт тогтоож, олон нийтийн газраар явахдаа маск зүүхийг үүрэг болгожээ.
Тусгаарлагдсан бүсэд ажиллаж буй сувилагч бүсгүй найз залуудаа цонхны цаанаас үнсэлт илгээв
Чен Инь Жэжян их сургуулийн Анагаах ухааны сургуулийн харьяа эмнэлэгт сувилагчаар ажилладаг аж. Коронавирусийн халдвар дэгдсэний улмаас тэрбээр өвчтөнүүдийг тусгаарласан бүсэд ажиллаж байгаа гэнэ. Тэрбээр найз залуутайгаа Валентины баяраар хуримаа хийхээр төлөвлөж байсан боловч вирусийн халдварын улмаас хуримаа хойшлуулжээ. Өндөр ачаалалтай ажиллаж буй сувилагч бүсгүй 11 хоногийн дараа л ийнхүү хайртай хүнтэйгээ уулзах боломж олджээ. Хос хоёр аюулгүй байдлаа бодолцож цонхны цаанаас уулзан, үнсэлт илгээжээ.
Холбоотой мэдээлэл: Коронавирустэй тэмцэж буй хүмүүсийн тухай сэтгэл хөдөлгөж, гунигт автуулах түүхүүд
Үүргээ гүйцэтгэж буй цагдаа нарт 500 ширхэг маск авчирч өгөөд "зугтжээ"
Хөл хорионд орсон иргэд коронавируст бууж өгөхийг хүсэхгүй байгааг батлах ХӨГЖИЛТЭЙ ТРЭНДҮҮД
Эх сурвалж: Business Insider, CGTN