2 мин

Нью-Йоркийн ресторан зочдоо ширээнд суулгахаас өмнө түргэвчилсэн шинжилгээ авдаг болжээ

Б.Саруул 2020.07.09

Нэг ресторанд хамт хооллож байгаа хүмүүс бүгд шинжилгээ өгч, коронавирусийн халдваргүй гэдэг нь батлагдсаныг мэдвэл ямар ч хүний сэтгэл тайвширч, тухтай байх нь гарцаагүй.

Тэгвэл Нью-Йоркийн Лонг-Айленд-Сити орчимд байрладаг Равел зочид буудал үйлчлүүлэгч, ажилчдаасаа коронавирусийн түргэвчилсэн шинжилгээ авдаг болжээ.

Тус зочид буудлаар үйлчлүүлэх, ресторанд нь хооллохоор захиалга өгсөн хүмүүс урд өдөр нь маягтаа бөглөж цагаа хэмнэх эсвэл зочид буудал дээр ирээд бөглөсөн ч болох гэнэ. Зочид буудал руу нэвтрэхээс өмнө биеийн халуунаа хэмжүүлж, ресторан руу нэвтрэхээсээ өмнө коронавирусийн шинжилгээ өгдөг аж.

View this post on Instagram

Safety first and foremost. COVID-19 testing will be required prior to entering any of our Ravel Hotel properties this summer. Please arrive early and we thank you for your patience as we work to provide you with the safe haven to #SaveYourSummer. We can't wait to welcome you back—Doors open at 12PM!
A post shared by PROFUNDO (@profundo.nyc) on Jun 25, 2020 at 8:15am PDT

Маягт бөглөх, шинжилгээ өгөх, хариугаа авахад ойролцоогоор 30 минутыг л зарцуулах ба шинжилгээний төлбөр нь тухайн үйлчлүүлэгчийн даатгалаас хамаарч 35-51 доллар болох гэнэ.

Равел зочид буудал Нью-Жерсид төвтэй оношлогооны газартай хамтран зохих эрүүл мэнд, аюулгүй ажиллагааны стандартыг бүрэн хангасан мэргэжилтнүүдээр түргэвчилсэн шинжилгээг авахуулж байгаа гэж тайлбарлажээ. Хамрын арчдас болон хурууны өндөгнөөс цусны шинжилгээ авах замаар үйлчлүүлэгч халдвар авсан эсэхийг хэдхэн минутын дотор тогтоодог бөгөөд шинжилгээний хариу 99 хувь баталгаатай хэмээн амлаж байгаа юм.

Шинжилгээний хариу нь сөрөг гарсан үйлчлүүлэгчид ресторан, дээврийн усан сангаар чөлөөтэй үйлчлүүлж, коктейль үдэшлэгт ч орох боломжтой гэжээ.

Эх сурвалж: Forbes