2 мин

Playlist: Ажил, хичээлээ хийж, төвлөрч байх үедээ сонсох 11 хөгжим

О.Анхзаяа 2020.11.09

Дуу хөгжим хүмүүсийн сэтгэл санааны байдал, үр бүтээлд маш ихээр нөлөөлдгийг үе үеийн судлаачид батлан хэлж ирсэн. Гэхдээ та аливаа зүйлд төвлөрөх үедээ ямар дуу хөгжим сонсвол илүү үр бүтээмжтэй байх бол хэмээн гайхаж байгаа бол энэ жагсаалт танд туслах болно.

1. Ханс Циммер

Германы хөгжмийн зохиолч, хөгжмийн продюсер тэрээр нийтдээ 100 гаруй киноны хөгжим туурвисан ба найрал хөгжмийг электрон хөгжмийн урсгалтай нийцүүлсэн сонирхолтой бүтээлүүдийг туурвиж ирсэн. Мөн "Өнөө үед амьдарч буй 100 суу билэгтэн" жагсаалтад багтсан байдаг.

2. Людвиг ван Бетховен

Германы агуу хөгжмийн зохиолч, төгөлдөр хуурч, өрнө дахины Венийн сонгодог дэг ба романтизмын хөгжмийн урлагийн шилжилтийн үед уран бүтээлээ туурвисан суут хөгжмийн зохиолч.

3. Борооны чимээ

Зүгээр л борооны чимээнд анхаарангаа юм хийх нь танд маш их туслах болно.

4. Далай тэнгисийн чимээ

Усны чимээ хүнийг маш ихээр тайвшруулж, бас аливаа стрессийг бууруулдаг учир санаа зовж, цаг нь тулсан аливаа нөхцөл байдалд усны чимээг сонсоорой.

5. Тэнгэр дуугарах чимээ

Тэнгэр дуугаран бороо орох чимээг сонсох нь таныг асар ихээр тайвшруулах хүчтэйг та мэдэх үү? Энэ чимээг сонсоод үзээрэй.

6. Иоханн Себастиан Бах

Түүний найрал дуу, найрал хөгжим, хөгжмийн зэмсгүүдэд зориулагдсан бүтээлүүд нь бароккогийн үеийг дээд цэгтээ хүргэхэд гүн хувь нэмэр оруулсан байна.

7. Вольфганг Амадей Моцарт

Бага наснаасаа хийл болон төгөлдөр хуур хөгжмийг гаргууд эзэмшиж улмаар 5 насандаа өөрийн уран бүтээлээ эхлүүлж, Европын ихэс дээдсүүдийн өмнө тоглолт хийж тэдний гайхшралыг төрүүлсэн байна. Яваандаа тэр дэлхийн сонгодог урлагийн нөлөө бүхий суут хөгжмийн зохиолч болсон билээ.

8. The Beatles

Битлз хамтлаг 1960 онд байгуулагдсан. Тэдний хамтлагт Жон Леннон ритм гитар, хоолой, Пол Маккартни басс гитар, хоолой, Жорж Харрисон гоцлол гитар, хоолой, Ринго Старр бөмбөр, хоолой гэсэн үүрэгтэй тоглодог байв. Тэд бол дэлхийн хамгийн алдартай хамтлагуудын нэг юм.

9. Хироши Ёшимүра

Японы уран бүтээлч Хироши Ёшимүра "ambient" төрлөөр уран бүтээлээ туурвидаг бөгөөд таны заавал мэдэх ёстой уран бүтээлчдийн нэгт зүй ёсоор тооцогдоно.

10. Фредерик Шопен

Тэрбээр Польшийн алдарт хөгжмийн зохиолч, гайхамшигт төгөлдөр хуурч, багш. Хөгжмийн суутан гэдэг нь багаасаа танигдсан ба хөгжмийн урлагт бүрэн боловсорч, анхан үеийн бүтээлүүдээ дөнгөж 20 настайдаа буюу Польшийг орхихоосоо өмнө зохиожээ.