СУДАЛГАА: 2050 он гэхэд дэлхийн хүн амын 50 хувь нь илүүдэл жинтэй болно
Потсдамын Уур Амьсгалын Нөлөөллийг Судлах Хүрээлэнгээс (PIK) энэ долоо хоногт дэлхий нийтийн хооллолтын хэв маягтай холбоотой шинэ судалгааны үр дүнг хуваалцжээ. Тус байгууллагаас мэдээлснээр, 2050 он гэхэд дэлхийн нийт хүн амын 50 орчим хувь буюу 4 тэрбум хүн илүүдэл жинтэй болох бол 500 сая хүн өлсгөлөнд нэрвэгдэж, жингийн дутагдалд орох эрсдэлтэй гэжээ.
Хүмүүсийн одоо идэж буй хоол хүнс, дэлхийн хүн амын өсөлт, хоол хүнсний үйлдвэрлэл, хоолны хаягдал зэрэг гол хүчин зүйлсэд тулгуурлан дээрх таамаглалыг дэвшүүлсэн байна.
1965 оноос хойш дэлхий нийт боловсруулсан болон элсэн чихэр, нүүрс ус ихтэй хоол хүнс хэрэглэх нь эрс нэмэгджээ. Эрүүл бус хоол хүнс, зохисгүй хооллолт нь таргалалтын гол шалтгаан болж байгаа аж.
Хэрэв хүн төрөлхтөн одоогийнх шигээ хооллосоор байвал ирэх 30 жилд хөгжингүй болон ядуу буурай орнуудын хоорондох хүнс тэжээлийн зөрүү улам нэмэгдэнэ гэж Потсдамын Уур Амьсгалын Нөлөөллийг Судлах Хүрээлэн үзэж байна.
2010 оны байдлаар дэлхийн хүн амын 29 хувь нь илүүдэл жинтэй, 3 хувь нь таргалалттай (биеийн жингийн индекс нь 30-аас дээш гэсэн үг) байжээ.
Дашрамд дурдахад, та биеийн өндөр, жингээ мэддэг байхад л биеийн жингийн индекс (БЖИ)-ээ тооцож гаргах боломжтой бөгөөд ЭНД дарж биеийн жингийн индексээ тодорхойлоорой. Индекс 30-аас дээш гарсан тохиолдолд таргалалттай гэж үзнэ.
Эх сурвалж: Daily Mail
... 2020.11.24 172.69.252.149
Солиордын
0 0 Хариулах