1 мин

Ц.Ганзориг: Цахим гэмт хэрэгтэй холбоотойгоор 740 орчим иргэнийг саатуулаад байна

Э.Намуун 2019.10.30 1

4

Өчигдөр орой болсон хятад, хонконгийн иргэдийг саатуулж, баривчлах үйл ажиллагаатай холбоотой асуудлыг өнөөдөр Засгийн газрын ээлжит хуралдаанаар хэлэлцэх аж. Энэ өдөр хэлэлцэх ёстой 20 асуудлын хамгийн сүүлд уг үйл ажиллагаатай холбоотой мэдээллийг холбогдох байгууллагынхан Засгийн газрын гишүүдэд мэдээлэл өгөх юм байна. Энэ талаар Монгол Улсын Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг мэдээлэл өглөө.

Тэрбээр “Өнөөдөр удаан хугацаанд хэлэлцэх асуудлууд байна. Хэлэлцэх 20 асуудлын хамгийн сүүлд нь өчигдөр болсон ажиллагааг хуулийн байгууллагууд Засгийн газрын гишүүдэд танилцуулна. Түүний дараа тодорхой мэдээлэл өгнө.

Засгийн газарт одоо байгаа тодорхой мэдээлэл гэвэл прокурорын хяналтан дор цагдаа, тагнуулын байгууллагынхан гүйцэтгэх ажил явуулсан. Энэ асуудал цахим гэмт хэрэгтэй холбоотой гэж үзсэн учраас гадаад улсын иргэдийг саатуулж байгаа. Одоогийн байдлаар 740 орчим иргэнийг саатуулаад байна. Гэхдээ нэмэгдэх хандлагатай байгааг хуулийнхан хэлж байна. Засгийн газрын хуралдаан хэлэлцэгдсэний дараа эцсийн байдлаар хэвлэлийнхэнд мэдээлэл өгнө. Тиймээс та бүхэнд үйл явцын мэдээллийг боломжтой байдлаар өгч байгааг ойлгоорой” гэлээ.

Э.Намуун 2019.10.30

4