Өдөрт гараа 10 удаа угаадаг хүмүүс халдвар авах магадлал 36 хувиар бага байгааг тогтоожээ
Лондон - Коллеж их сургуулийн эрдэмтэд 2006-2009 оны хооронд гарсан коронавирустэй төстэй бусад халдварт өвчний дэгдэлтийн тоо баримтад үндэслэн зарим нэг сонирхолтой дүгнэлтийг гаргажээ. Тухайлбал, өдөрт гараа 6-10 удаа угаадаг хүн таваас цөөн угаадаг хүмүүстэй харьцуулахад халдвар авах магадлал 36 хувиар бага байгааг тогтоосон байна.
Гэхдээ гар угаах давтамж ердөө нэг хүчин зүйл нь бөгөөд гараа хэзээ, хэр удаан угаах вэ гэдэг ч бас халдварын эрсдэлийг бууруулахад чухал нөлөөтэй гэжээ. Өөрөөр хэлбэл, гараа хамгийн багадаа 20 секундийн турш угаах, хоол идэхээсээ өмнө, гаднаас орж ирээд угаах зэрэг зөв хэвшил нь халдвараас урьдчилан сэргийлэхэд чухал аж.
Харин 10-аас олон удаа гараа угаах нь энэ нөлөөг нэмэгдүүлдэггүй болохыг судалгааны баг тогтоожээ.
Дашрамд дурдахад, судалгаанд 1633 хүн оролцсон бөгөөд 80 орчим хувь нь өдөрт 16-аас дээш удаа гараа угаадаг гэж хариулсан байна.
Эх сурвалж: BBC