Үндэсний их баяр наадмын сурын тэмцээн өргөн дэлгэр болж өндөрлөлөө. Энэ жил нийтдээ 500 гаруй харваач улсын наадамд цэц мэргээ сорьж, урианхай, буриад, халх сурын харваагаар дөрвөн өдөр өрсөлдсөн юм.
Халх сурын харваанд эмэгтэйчүүдээс:
1. Б.Пунсалдулам (Өвөрхангай аймгийн Нарийн тээл сумын харьяат, нийслэлийн 52-р сургуулийн харваач)
2. Ч.Гандаваа (Дорнод аймгийн Хөлөнбуйр сумын харьяат, "Мондей" компанийн харваач)
3. Д.Норжмаа (Увс аймгийн Тэс сумын харьяат, "Алдар" спорт харвааны тамирчин, Улсын мэргэн)
Эрэгтэйчүүдээс:
1. Д.Дэмбэрэлсайхан (Завхан аймгийн Эрдэнэхайрхан сумын харьяат, "Эрдэнэт үйлдвэр"-ийн харваач)
2. Б.Ёндон (Завхан аймгийн Дөрвөлжин сумын харьяат, "Хилчин" спорт хорооны тамирчин, Улсын мэргэн)
3. Ж.Тулга (Хөвсгөл аймгийн Түнэл сумын харьяат, СБД-ийн харваач)
Халх харваанд тэргүүлсэн Д.Дэмбэрэлсайхан, Б.Пунсалдулам нар шинээр Улсын мэргэн цол хүртэв.
