АНУ-ын Ерөнхийлөгчийн сонгуульд өрсөлдөгч Д.Трампыг Пеннсилвани мужийн Батлер хотод сонгуулийн сурталчилгаа хийж, үг хэлж байх үеэр буун дуу гарч, нэр дэвшигчийн баруун чихийг шүргэж шархдуулсан дуулиант хэрэг өнгөрсөн долоо хоногт гарч дэлхийг шуугиулсан.
Уг хэргийн дараа хөгжилтэй ч гэх үү, хачирхалтай ч гэх үү нэгэн үйл явдал өрнөсөн нь Америкийн нэгдсэн улсын иргэд Трампын шархадсан чихний боолтыг дуурайн зүүж буй явдал юм.
Америкчууд аливаа зүйлийг эх оронч сэтгэлгээгээр өөрчлөх дуртай. Тиймээс ч уг хэрэг явдлыг тэр дор нь тренд болгож чаджээ.