Америкийн дуучин, жүжигчин Женнифер Лопес 1969 оны долдугаар сарын 24-нд Нью-Йорк хотноо Пуэрто-Рикогийн цагаачдын гэрт төржээ. Аав нь программчин, ээж нь гурван охиноо өсгөдөг гэрийн эзэгтэй байлаа. Лопес багаасаа л дуулдаг байсан. 16 настайдаа анхныхаа кинонд тоглож, 2013 онд Холливудын Алдрын гудамжинд өөрийгөө мөнхөлж чадсан юм. Ингээд түүнийг амжилтад хүргэсэн амьдралын дүрэмтэй нь танилцья.
![](https://ublife-cdn-files.sgp1.cdn.digitaloceanspaces.com/files/article/article-85976c7b-ea68-4f71-8825-7e367e12c09e.jpg)
“Бүр бага байхдаа л би үргэлж дуулж, жүжиглэдэг байлаа. Тийм болохоор том болоод дуучин, жүжигчин болоход ямар ч бэрхшээл тулгараагүй”
“Гадны нөхцөл байдалд автаж, өөрчлөгдөхгүй байх нь хамгийн том аз жаргал юм”
“Коллежоо хаяад мэргэжлийн дуучин болно гэхэд аав, ээж минь намайг галзуурлаа гэж бодож байлаа. Тэд “Женни боль, латин америкчуудаас хэн ч амжилт олж байгаагүй” гэж байв. Үнэхээр латин америкчуудаас шоу бизнест том амжилт олсон хүн байхгүй байлаа. Гэхдээ урьд нь байгаагүй болохоор боломжгүй гэдэг ойлголтыг би харин ойлгохгүй байлаа”
“Гоо үзэсгэлэн гэдэг бол арьсан дээрх л чимэг юм. Ухаан, бие, сэтгэлийн тэнцвэрийг олох нь хамгийн чухал гэж би боддог”
![](https://ublife-cdn-files.sgp1.cdn.digitaloceanspaces.com/files/article/article-dffe7726-ea03-4bf9-bf93-2dcad76d803c.jpg)
“Би хүмүүсийн тухай элдэв нууцыг мэдэх дуртай. Манай Бронкст бүгд нэгнийхээ тухай мэддэг байсан. Тэр зуршил минь арилахгүй байгаа. Ичгэвтэр ч гэсэн үнэн, би хүмүүсийн нууцыг баримтжуулан цуглуулдаг”
“Би хүмүүсийг яаж харагдаж байгаагаар нь биш ямар үнэртэй байгаагаар нь шүүдэг”
“Жирийн нэг дуучин, жүжигчин байх нь хангалтгүй. Өөрийнхөө авьяас, хүч чадлыг 100 хувь гаргаж чадах эсэх л гол”
“Эрчүүд миний нэр алдрын сүүдэрт орох дургүй байдаг. Тэд хэзээ ч над шиг их мөнгө олж чадахгүй гэдгээ мэддэг”
![](https://ublife-cdn-files.sgp1.cdn.digitaloceanspaces.com/files/article/article-d60d8133-0ff6-48ec-8cee-19a62f4ccbc1.jpg)
“Хүүхэд төрснөөр би өөрийгөө биш тэднийг хамгийн түрүүнд боддог болсон. 7 сартай бие давхар байхдаа би дэлхийг тойрсон тоглолт хийж байлаа. Харин одоо хэзээ ч тэгэхгүй. Хүүхдүүд минь эрүүл саруул байх нь миний гол зорилго”
“Хэрэв чи өөрийгөө хайрлаж, өөрөөрөө бахархдаггүй бол өөр хэн нэгэнд хайрлаж дурлана гэдэг юу л бол”
“Өөртөө аз жаргал авчрах зүйл л хий. Эмэгтэйчүүд маш олон хүнийг арчлан хамгаалаад, янз бүрийн асуудал шийдэх гэж оролдсоор байгаад өөрийг мартдаг. Ингэж болохгүй. Хааяа ч гэсэн өөрийгөө баярлуул”
![](https://ublife-cdn-files.sgp1.cdn.digitaloceanspaces.com/files/article/article-2b408557-b950-4d18-b8dc-8256e5a09d82.jpg)
“Миний биед хэдэн кг мах байхыг хөндлөнгийн хэн нэгэн шийдэх ёсгүй”
“Хэрэв хэн нэгэнд дурлавал хайртай гэдгээ хэлэх гэж маргаашийг хүлээх хэрэггүй”
“Олон юм үзэж туулаад би яг боксчин шиг болсон. Хэчнээн ч цохиулсан даагаад гарна”
“Би өөрөө өөртэйгээ л өрсөлддөг”
“Бидний дотор байгаа тэр адгуусан шинж надад таалагддаг. Хамгийн илэн далангүй”
![](https://ublife-cdn-files.sgp1.cdn.digitaloceanspaces.com/files/article/article-fb3f963e-10d1-4258-a10b-c2af3c666192.jpg)
“Туршлага хуримтлуулж, энэ дэлхийд ямар нэг юм хэлэхийн тулд жинхэнэ амьдралыг үзэх ёстой”
“Оддын гомдоллохыг хэн ч сонсохыг хүсдэггүй”
“Дэлхий дээрх хамгийн хэцүү, ойлгомжгүй мэдрэмж бол дурлал юм”
“Би зорилгодоо хүрээд, ялалтаа тэмдэглээд, цааш явах дуртай”
“Нас ахих тусмаа та амьдралын жижиг сажиг зүйлс маш чухал болохыг ухаарч эхэлнэ”
![](https://ublife-cdn-files.sgp1.cdn.digitaloceanspaces.com/files/article/article-4ad62d1b-daa7-4b21-ad62-8031c830590b.jpg)
“Зарим хүн туранхай, зарим нь тарган байхаар заяасан байдаг. Нийгэмд энэ талаар хэт их ярьж байна. Минийхээр бол хүн ямар байх нь хамаагүй, гол нь эрүүл энх байх хэрэгтэй”
“Заримдаа дэрнээс өөх юу ч хэрэггүй болох үе байдаг”
“Надад хов жив хэрэггүй. Би юу болж байгааг хэнээс ч асуудаггүй, мэдэхийг ч хүсдэггүй”
“Европ тив надад хүүхдийн үлгэрийн номонд гардаг шидэт хайрцаг шиг санагддаг”
![](https://ublife-cdn-files.sgp1.cdn.digitaloceanspaces.com/files/article/article-66fce3f7-96b9-4bfc-bbb7-02b6c0be8832.jpg)
“Өөрийн боломжийг өөрөө л дүгнэ. Бусад хүнд чамд эргэлзээ төрүүлэх боломж бүү олго”
“Жижигхэн, чимээгүй баяр баягалан заримдаа ямар ч тансаг амралтын газраас илүү цэнэг өгдөг”
“Эмэгтэй хүн гадуур ээмэггүй явж болохгүй. Зүүхээ мартсан бол боломжоо алджээ гэсэн үг”
“Хайр дурлалын хувьд би маш романтик халуухан эмэгтэй”
![](https://ublife-cdn-files.sgp1.cdn.digitaloceanspaces.com/files/article/article-c0fc1f5a-df65-4bcd-ae5d-920e9980dc51.jpg)
“Хүүхэдгүй байхдаа би хүүхэдтэй найз нартаа их зөвлөгөө өгдөг байлаа. Дараа нь ихэр хүүхэдтэй болоод өсгөх нь ямар болохыг туулаад найз нар дээрээ очиж, уучлал гуйсан”
“Шоу бизнес бол галзуу хулгана л гэсэн үг. Энэ дунд унаж, босч сурах хэрэгтэй”
“Олон нийтийн сүлжээний ачаар би жинхэнэ өөрийгөө бусдад харуулж чаддаг болсон. Өмнө нь хүмүүс шар хэвлэл уншаад, тэрэндээ итгэдэг байсан”
“Цаазаар авах ял эчнээ оноосон хүмүүс надад бий. Надтай муухай харьцсан сэтгүүлчдийн нэрсийн жагсаалт ч байгаа”