"Парис 2024" олимпын наадмын байт харвааны чансаа тогтоох урьдчилсан харваа өчигдөр болж өндөрлөлөө. Нийт 64 тамирчин бүгд харваж 1/32 финалд хэнтэй таарахаа шийдлээ. Чансааны харваанд 1-т орсон тамирчин 64 дэх тамирчинтай гэх маягаар харвах болно. Цаашдаа халз харваж, хасагдах журмаар явагдана.
![](https://ublife-cdn-files.sgp1.cdn.digitaloceanspaces.com/files/article/article-2f3a6b2d-268c-4f44-8ae2-15227da8f4cc.jpg)
Азийн наадмын аварга, ОУХМ Б.Отгонболд өчигдөр нийт 643 оноотой, 54-р байрт орсон.
![](https://ublife-cdn-files.sgp1.cdn.digitaloceanspaces.com/files/article/article-cae7f178-af80-45c3-9fa3-c0b9d7e3c1cd.jpg)
Ингээд чансааны харвааны 11-т орсон Мексикийн харваач Матиас Грандетэй халз өрсөлдөх боллоо.
![](https://ublife-cdn-files.sgp1.cdn.digitaloceanspaces.com/files/article/article-5ce6e80a-c0c2-4943-8e28-f3d47d244cd4.jpg)
Матиас Гранде нь 2024 оны Панамерикийн аварга, 20 настай, дэлхийн чансааны 17-р байрт эрэмбэтэй тамирчин. Энэ жил замналынхаа хамгийн оргил 695 оноог авчээ. Хоёр тамирчин наймдугаар сарын 1-нд 20.30 цагаас харвах юм.
![](https://ublife-cdn-files.sgp1.cdn.digitaloceanspaces.com/files/article/article-dfa568fa-ae1f-458d-97b9-fac608460dd9.jpg)