Мэргэжлийн сүмогийн сэкивакэ асан Ичиножёо Америкийн The Wide West кинонд сүмо бөхийн дүр бүтээж байгаа. Киноны зураг авалт эхэлсэн бөгөөд Ичиножёо, жюүрёод барилдаж байсан Хишёонофүжи, бодибилдингийн од Александр Невский нар гол дүрийг бүтээж байна.
Киноны ерөнхий продюсер Andrew Freund “Ичиножёогийн жүжиглэлт үнэхээр гайхалтай байлаа. Манай кинонд тулааны үзэгдэл их бий. Сайн тоглож байна” гэж магтсан байна. The Wide West кино нь 1900 оны үед Японы сүмочид Америкт аялаж байгаа түүхийг өгүүлсэн кино. Аравдугаар сард нээлтээ хийнэ.