2022 онд нээлтээ хийснээсээ хойш Netflix-ийн хамгийн алдартай богино цувралуудын нэг болж чадсан “Monster: The Jeffrey Dahmer Story“-ийн хоёрдугаар бүлэг гарах гэж байна.
Найруулагч, санаачлагч Райан Мюрфи хоёрдугаар бүлгийг өөр гэмт хэрэгтнүүдийн тухай байх болно, цаашлаад хамгийн их шуугиан тарьж байсан гэмт хэрэгтнүүд, цуврал алуурчдын тухай өгүүлэх тус бүр нь өөр өөр бодит явдлын тухай цуврал болгоно хэмээсэн.
Тиймдээ ч энэ удаа Monsters: Lyle and Erik Menendez Story нэртэйгээр, эцэг эхээ хөнөөсөн ах дүү хоёрын түүхийг өгүүлэх аж.
1989 оны 8-р сарын 20-нд Беверли Хиллст эцэг эхээ хөнөөсөн ах дүү хоёр болон энэхүү хэрцгий аллагын эргэн тойронд болсон үйл явдлуудыг энэхүү богино цувралаар харуулна. Тус хэргийн араас ах дүү хоёр нэгдүгээр зэргийн хүн амины хэрэгт буруутай нь тогтоогдож, хоёуланд нь давж заалдах боломжгүйгээр бүх насаар нь хорих ял оноосон байна.
Энэхүү цуврал 2024 оны 9 сарын 19-нөөс Netflix дээр цацагдах болно.
