Галзуу тоглолт, бүтээлч өдөрлөгүүдээр дүүрэн гайхалтай долоо хоног болж өнгөрөх нь ээ. Гэгээлэг сайхан мөчүүд биднийг хүлээж байгаа гэдэгт итгэж байна. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг хүргэе!
Нарлаг, дулаан өдрүүд биднийг хүлээж байна. Намрын, налгар өдрүүдийг адал явдлаар дүүрэн өнгөрүүлэхээ мартуузай.
Rokit Bay - "ПУУЖИН БАЯРАА" тоглолтоор бид шинэ түвшний дуугаралт, хөгжим болон гэрлийн найруулга бүхий өвөрмөц тоглолтоор бид бүхэнтэй уулзах нь ээ. Мөн зочин уран бүтээлчдийн сонголт үнэхээр янзтай.
Хаана: Төв Цэнгэлдэх Хүрээлэн
Хэзээ: 9 сарын 14
Бидний хайртай нимбэгнүүд 2 дахь цомог болох "Залуу ленины ойролцоо 3 давхарт" кассет(tape) хэлбэрээр хэвлэгдэн ирсэний баяраа хийх гэж байна. Limited цөөн тоогоор гарч байгаа тус кассет тоглолтон дээр зарагдах болно гэнэ шүү. Let’s goooo!
Хаана: Happy Park
Хэзээ: 9 сарын 13
Super Concert 2024 - RAIN, DARA, BLOO
Дэлхийн хэмжээний од RAIN, 2NE1-ийн DARA, BLOO зэрэг уран бүтээлчид Монголд анх удаагаа HIT PARK-д 9 сарын 15-нд үзэгч фэнүүддээ ЭНЭ НАМРЫН ХАМГИЙН ТОМ ‘Super Concert’-ийг толилуулах гэж байна.
Хаана: HIT PARK
Хэзээ: 9 сарын 15
Метал хөгжимд сонирхогчдод зориулсан Metal_em сошиал сувгийн 1 жилийн баярыг тэмдэглэхээр Metal em Ihriegel-тэй хамтарсан “Antagonism Room” нэртэй Nu Metal Event хүрэхэд бэлэн болжээ. Тэд энэ удаагийн эвентээрээ The Shy Poopers хамтлагийн “Antagonism Room” гэх нэртэй анхны EP album release партиг хийхээс гадна Nu Metal урсгалын playlist-ийг Metalem болон Ihriegel бэлдсэн ба мөн бид бүгдийн мэдэх “Metronome” хамтлагийн дуучин “Gaga” Nu metal сетүүдээ хүргэхээр уригдсан байна. Мэдээж энэхүү урсгалтай холбоотой бас нэгэн хүн болох Nisvanis хамтлагийн Амгаа ах маань сонсогчдодоо бэлэг барихаар хүрэлцэн ирэх нь ээ.
Хаана: CUE +
Хэзээ: 9 сарын 14
Dreamers' Day №398: Petite Nature (2021)
Ухаалаг, сониуч, арван настай Жонни хэмээх жаалхүү насандаа ахадсан гэмээр түмэн янзын сонирхолтой. Ар гэрийн амьдрал, амьдардаг хороолол нь бэрхийн дээр олноос ямагт сондгойрно. Гэтэл хотоос шилжиж ирсэн багш ангийг нь дааж авснаар Жонни цоо шинэ ертөнцийг нээх тухай уран бүтээлийг үзээрэй.
Хаана: Тэнгис кино театр
Хэзээ: 9 сарын 14
Дэлхийн театрын ертөнцөд Монгол соёлыг тамгалж буй Хөдөлмөрийн баатар, Ардын уран зохиолч Бавуугийн Лхагвасүрэнгийн зохиол, Б.Баатарын найруулга ''Тамгагүй Төр'' жүжгийн олон улсын Уэст Энд хувилбар болох ''The Mongol Khan'' жүжгийг 10-р сараас Сингапур улсад тоглож, Азийн аялан тоглолтоо эхлэх их аянд мордохын өмнө үзэгч Та бүхний мэлмийд өргөн барьж байна.
Хаана: Улсын Драмын Театр
Хэзээ: 9 сарын 10,11,12
Зохиолч Todko Samson-ны "Чамд хэн итгэх юм бэ?" цуврал романы сүүлчийн дэвтэр "Үр хөврөл" романы нээлт. "Тэг-цэгийн тэмүүлэл-II" оюун санааны өдөрлөг.
Хаана: Соёлын төв өргөө
Хэзээ: 9 сарын 13
Хүсэн хүлээдэг Үндэсний 36 дахь "Номын баяр" төв талбайд энэ сарын 13-15-нд болох ба энэ удаагийн баярын өөр нэг онцлог бол эрэгтэйчүүдэд чиглэсэн хөтөлбөрүүдтэй гэнэ шүү.
Хаана: Төв талбай
Хэзээ: 9 сарын 13, 14, 15
