1977 оны аравдугаар сарын 1-нд хөлбөмбөгийн түүхэнд урьд өмнө үзэгдэж байгаагүй нэгэн үйл явдал боллоо. Нью-Йорк хотын Giants Stadium цэнгэлдэх хүрээлэнгийн талбайд Бразилын Сантос, АНУ-ын Космос өрсөлдөхөөр гарч ирсэн нь хөлбөмбөгийн хаан Пелегийн зодог тайлах тоглолт байв. Пеле энэ хоёр багт тоглож байлаа. Үзэгчид түүнийг аль багт нь тоглох бол хэмээн сэтгэл догдлон хүлээж байтал Пеле аль аль багт нь нэг үе тоглосон юм.
Пеле 18 жил тоглосон төрөлх Сантос багийнхаа хаалганд өөрийн замналын сүүлийн буюу 1281 дэх гоолоо оруулсан. Хөлбөмбөгийн хаанд баяртай гэж хэлэхээр 77 мянган хүн ирсэн байлаа. Тэдний дунд боксын дэлхийн аварга Мухаммед Али, рок дуучин Мик Жаггер, жүжигчин Роберт Рэдфорд болон хөлбөмбөгийн бүх од байлаа.
