Кино урлагт хайртай залуусын хоног тоолон хүлээдэг Dreamers' Day өдөрлөгийн дараагийн шинэхэн үзвэр энэ бямба гарагт зарлагдаад байна. Мөрөөдөгчдийн өдрийн 16 дахь улирлын хоёр дахь киногоор “Only the River Flows” сонгогджээ. Тэгвэл уншигч танд энэхүү сонирхолтой киног шимтэн үзэх 10 шалтгааныг хүргэе.
1. Таныг дэлгэцээс хором ч холдуулахгүй сонирхолтой үйл явдал
“Only the River Flows” кинонд 1990-ээд оны Хятадын хөдөө тосгонд голын эрэг дагуу болсон аллагын хэргийн талаар гарах ба ахлах мөрдөгч Ма Зэ энэ хэргийг хариуцаж авснаар үйл явдал цааш өрнөнө. Сэжигтэн мөрдөгчдийн төсөөлснөөс хурдан баригдах боловч цуврал аллага үргэлжилсээр байх болно. Гэмт хэрэг, триллер төрлийн тус кино таныг дэлгэцээс хором ч холдуулахгүй гэдэгт итгэлтэй байна.
2. Дүрүүдийн гүн, гүнзгий араншин
Энэхүү кино нь дүрүүдийн дунд өрнөх харилцаа, гүнзгий араншин, сэтгэл хөдлөлийг онцгойлон харуулжээ. Тэдний зан чанар, шийдвэр гаргах үйл явц нь кино зохиолын өрнөлд томоохон үүрэг гүйцэтгэж, үзэгчдийг адал явдлын эргүүлэгт татан оруулах болно.
3. Нэрт зохиолч Үй Хуагын өгүүллэгээс сэдэвлэсэн
Тус киног “Амьдрахуй” зохиолоороо бидэнд хэдийнээ танил болсон Хятадын нэрт зохиолч Үйл Хуагын “Mistakes by the River” гэх богино өгүүллэгээс сэдэвлэн бүтээжээ. Сонирхуулахад түүний өгүүллэгийг кино зохиол болгох явц нь хоёр жил гаруй үргэлжилжээ.
4. Каннын кино наадамд нэр дэвшиж байсан
"Only the River Flows" кино нь 76 дахь Каннын кино наадмын “Un Certain Regard” төрөлд сонгогдож байсан бөгөөд та бүхний сайн мэдэх Баавгай болохсон кинотой хамт өрсөлдөж байжээ.
5. Сэтгэл булаам байгалийн зураглал, өнгө
Киноны зураг авалт нь байгалийн үзэсгэлэнтэй газруудад хийгдсэн ба үзэгчдэд жинхэнэ сэтгэл булаам байгалийн зураглал, өнгийг харуулах болно. Киноны түгшүүртэй, сонирхолтой үйл явдлын хажуугаар түр ч атугай тайван, намуухан мэдрэмжийг танд мэдрүүлж чадна.
6. Онцгой хөгжмийн найруулга
"Only the River Flows" киноны хөгжмийн найруулга нь тухайн цаг үеийн уур амьсгалыг төгс илэрхийлсэн байдаг. Хөгжмийн найруулагч нь зохиолын утга санааг онцлон харуулж, дүрүүдийн сэтгэл хөдлөлийг илүү тод томруун илэрхийлсэн хөгжмийн аялгууг бүтээсэн нь үзэгчдэд гүн сэтгэгдэл үлдээжээ. Байгалийн дуу чимээ, зөөлөн хэмнэл, эртний хөгжмийн зэмсгүүдийг ашигласан нь үйл явдлыг илүү бодитой мэдрэхэд тань тусална.
7. Таныг 1990 оны Хятадад аваачих болно
Киноны уур амьсгал, дүр дүрслэл нь таныг кинонд бүрэн автуулж, 1990 оны Хятадад аваачих болно.
8. “Rotten Tomatoes” дээр 84%, “IMDB” дээр 6.7% үнэлгээтэй
Олон улсын кино шүүмжлэгчид киноны талаар янз бүрийн үзэл бодолтой байгаа ба ихэнх нь сонирхолтой зохиол, өвөрмөц шинэлэг байдлыг нь онцолжээ.
9. Чадварлаг жүжигчдийн бүрэлдэхүүн
Кинонд Хятадын шилдэг жүжигчид дүр бүтээсэн ба гол дүрийн жүжигчин Zhu Yilong нь улсынхаа хэд хэдэн томоохон шагнал гардуулах ёслолоос энэхүү киногоороо шилдэг жүжигчин шагналыг хүртсэн чадварлаг жүжигчин юм.
10. Кино багийнхны хичээл зүтгэл
Гол зураг авалт эхлэхээс өмнө БНХАУ-д COVID-19 цар тахал дахин дэгдэж, бүх жүжигчид болон багийнхан хөл хорионд орсон байна. Үүнээс үүдэн кино бэлтгэлийн үйл явц 45 хоног, зураг авалт 45 хоног үргэлжилжээ. Энэ хугацаанд гол дүрийн жүжигчин 25 кг орчим жин хассан байна.
Энэхүү бүтээл 2024 оны 10 сарын 12-нд буюу энэ бямба гарагт Тэнгис кино театрын дэлгэцнээ 16 цагаас гарах тул та бүхэн нууцлаг цуврал аллагын хэргийг тайлахыг хүсвэл заавал очоорой. ЭНД дарж эвентийн дэлгэрэнгүй мэдээлэлтэй танилцаарай.
