Хэвлэл мэдээлэл, медиа салбартай холбоотой хэн бүхэнд дуулгах сайхан мэдээтэй. Хэвлэл мэдээллийн экосистемд чин эрмэлзэлтэй, мэргэжлийн, сахилга баттай соёлоор дамжуулан шударга, чадамжтай хэвлэл мэдээллийг төлөвшүүлэхэд хувь нэмрээ оруулах зорилготой “The Media Show 2024“ арга хэмжээ болоход хэдхэн хоног үлджээ. Энэ арга хэмжээ нь сэтгүүлч, сэтгүүл зүй сонирхогчид төдийгүй контент бүтээх, бичиж туурвих сонирхолтой, хэвлэл мэдээллийг ойлгохыг хүссэн хэн бүхэнд нээлттэй юм. Тэгвэл энэ удаагийн арга хэмжээнээс бид юуг хүлээх вэ?
1. Хаана? Хэзээ?
2024 оны 11 сарын 16-нд 10 цагаас Монгол Үндэсний Худалдаа Аж Үйлдвэрийн Танхимд зохион байгуулагдана.
2. Хугацаанд биш агуулгадаа анхаарсан сонирхолтой хөтөлбөр
Хэт удаан, урт илтгэлүүд хэдийнээ ард хоцорч богино хугацаанд гол мэдээллээ өгч чадах сонирхолтой хөтөлбөр бидний анхаарлыг татах болжээ. “The Media Show” хөтөлбөрт уламжлал болсон “30 минутын лаб” сургалтууд, “PechaKucha” илтгэлүүд, “The Media Show” ярилцлагаас гадна шинэ туршлагаа бусдад хуваалцах “Урам зоригийн индэр”-ийн хэсэг нэмэгдсэн.
3. Зөвхөн сэтгүүлчдэд төдийгүй медиа салбарыг сонирхогч хэн бүхэнд зориулсан нээлттэй хэлэлцүүлгийн талбар
“The Media Show” бол хэвлэл мэдээллийн салбарт ажиллаж буй хэн бүхэн төдийгүй сэтгүүл зүй сонирхогч, контент бүтээгч, чөлөөт бичигч, оюутан залууст зориулсан нээлттэй хэлэлцүүлгийн талбар билээ. Энд та медиа салбарын талаар зөвхөн сонсох биш ирсэн зочид, оролцогчидтой чөлөөтэй ярилцаж, хэлэлцэх боломжтой.
4. Медиа салбарын эргэн тойрон дахь сонин сайхнаа хуваалцах ШИЛДЭГ 10 илтгэгч
Салбартаа тэргүүлж, медиа салбарт хэдийн өөрийн өнгө төрхийг тодорхойлж чадсан илтгэгчдийн эх орондоо төдийгүй олон улсад гарч ажилласан үнэ цэнтэй, ховорхон туршлагыг дэргэдээс нь халуун яриа өрнүүлэн сонсох боломж зөвхөн энд бий. Тэд анх яаж эхэлсэн, хэрхэн салбартаа орон зай, хувь нэмрээ үлдээж чадсан талаар сонирхолтой түүхүүдээс битгий хоцроорой.
5. Шинээр нэмэгдсэн шинэ туршлагаа бусдад хуваалцах “Урам зоригийн индэр” хэсэг
Он удаан жилийн бодол, олон удаа үзээд алдах зориг, бэрхшээл саадыг давах тэвчээр гээд жижиг алхам бүрийн цаана маш их хөдөлмөр байдаг билээ. Түүнийгээ бусдад хуваалцах, “Би чадлаа” гээд хашхирмаар үе ч бий. Ингэж гайхуулах хэсэг бол “Урам зоригийн индэр” юм.
6. Арга хэмжээг Пулитцерийн тэтгэлэгт бүтээл "Хүслийн хязгаар" богино хэмжээний баримтат киногоор нээнэ.
Арга хэмжээний эхэнд Йелийн Их Сургуулийн магистрант, Пулитцерийн тэтгэлэгт анхны монгол сэтгүүлч, продюсер Д.Дэлгэрзаяагийн тэтгэлэг авч бүтээсэн "Хүслийн хязгаар" уур амьсгалын өөрчлөлтийн тухай богино хэмжээний баримтат киног толилуулна.
7. “The Media Show 2024“ арга хэмжээний тасалбар аль хэдийн борлуулагдаж эхэлжээ.
Арга хэмжээний тасалбарын ердийн үнэ 49,000 төгрөг бол зөвхөн оюутнуудад зориулсан тасалбарыг 29,000 төгрөгөөр худалдаж байгаа аж. Зөвхөн тайзнаас илтгэл сонсоод зогсохгүй оролцогчид маань өдрийн хөнгөн хоол, кофе уунгаа ярилцах боломж гаргах үүднээс тасалбарын үнэд уг зардал, хөтөлбөрт энэ цаг хугацааг ч мөн багтаасан байна.
“The Media Show 2024” арга хэмжээний тасалбарыг ЭНД дарж худалдан авна уу.
