Шинэ долоо хоногийн мэнд хүргэе! Гадаа хэдийн шинэ жилийн уур амьсгал орж, сэвсгэр цас гудамж талбайг хучин авчээ. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг танилцуулъя.
11 сарын сүүлийн өдрүүдийг дурсамж дүүрэн өнгөрүүлж, шинэ сараа аз жаргалтайгаар угтан аваарай.
“The GALTMAH” хамтлагийн өвөрмөц уран бүтээл, амьд хөгжмийн гайхамшгийг мэдрэх энэхүү онцгой үдшийн тасалбар зөвхөн 100 ширхэг л гарсан гэнэ шүү. Ховорхон боломжийг бүү алдаарай.
Хэзээ: 11 сарын 28
Хаана: SKOL
Тасалбарын үнэ: 50000 төгрөг
Нэгэн үдшийг сонгодог урлагаар амьсгалж, гайхалтай өнгөрүүлээрэй.
Хэзээ: 11 сарын 27
Хаана: Соёлын төв өргөө
Тасалбарын үнэ: 50000-80000 төгрөг
Бялуу чимэглэх эвент гэж сонсож байсан уу? Эвентэд ирэхэд тань тортны кекс, крем, чимэглэлийн зүйлсийг урьдчилан бэлдсэн байвал гоё биш гэж үү? Та шууд ирээд л өөрийн хүссэн загвараараа бялуугаа чимэглэх боломжтой. Мөн төлбөрт уух зүйл, флорайд зургаа даруулах эрх багтсан байгаа аж.
Хэзээ: 11 сарын 26
Хаана: UP rent room
Тасалбарын үнэ: 65000 төгрөг
Урлагийн хүчээр өөрийгөө илэрхийлж, бүтээлч сэтгэлгээгээ хөгжүүлж, өөрийгөө илүү сайн ойлгож, урам зориг авахыг хүсвэл энэхүү урлагаар дамжуулан эдгэрэх бсонирхолтой эвентийг зориорой.
Хэзээ: 11 сарын 30
Хаана: Art OF UB
Тасалбарын үнэ: 100000 төгрөг
“The Lover: Хэнд хайр хэрэгтэй вэ?”
Шинэ жилийн уур амьсгал орсон өдрүүдээр УДЭТ хайрын тухай шинэхэн жүжгээр үзэгчдэдээ бэлэг барихаар болжээ. Орчин үеийн залуус хайрыг юу гэж ойлгож байгаа, хайрын утга учир өнөөдөр юу болж хувирав гэдгийг хөгжим болоод хөдөлгөөний хэлээр үзэгчдэд хүүрнэх аж.
Хэзээ: 11 сарын 29-с
Хаана: УДЭТ
Тасалбарын үнэ: 30000-80000 төгрөг
Монголын хип хоп ертөнцийн хамгийн том хамтралуудын нэг реппер Ginjin Mr.M нарын ээлжит тоглолт энэ долоо хоногт болох нь ээ. Нэг оройг тэдэнтэй хамт зугаатай өнгөрүүлээрэй.
Хэзээ: 11 сарын 30
Хаана: OMNI CLUB
Тасалбарын үнэ: 50000 төгрөг
