Энни Леннокс 1954 оны 12 дугаар сарын 25-нд Шотландын Абердин хотод төржээ. Тэрээр дэлхий дахинд Eurythmics хамтлагийн гоцлол дуучин гэдгээрээ алдаршсан. Дэйв Стюарт тэр хоёрын Sweet Dreams (Are Made of This) хит дууг бараг бүх хүн мэднэ гээд хэлчихэд буруудахгүй.
Леннокс Rolling Stone сэтгүүлийн “Бүх цаг үеийн 100 агуу дуучин” жагсаалатд орсон. Түүний бичлэг дэлхий дахяар 80 сая хувь зарагджээ.
Энни багаасаа төгөлдөр хуур, аман хуур тоглодог, шүлэг бичиж, зураг зурдаг хүүхэд байлаа. Энэ авяасчадварынхаа ачаар тэр Эзэн хааны хөгжмийн академид элсэж чадсан ч төгсөхөөсөө хэдэн долоо хоногийн өмнө сургуулиа хаяжээ.
Нэг хэсэг худалдагч, үйлчлэгч хийж байгаад тэрээр Дэйв Стюартын The Tourists хамтлагт оржээ.
1980 онд Дэйвтэй хамт Eurythmics хамтлаг байгуулж, Sweet Dreams (Are Made of This) дууныхаа дараа тэд од болсон байв.
1990 онд хамтлаг тарж, Леннокс ганцаарчилсан уран бүтээлдээ орж, хоёр жилийн дараа Diva цомгоо өргөн барилаа. Тэр нийт 6 цомогтой.
2003 онд “Бөгжний эзэн” кинонд Into the West дуугаараа тэд Шилдэг дууны Оскар шагнал хүртсэн юм.
2010 онд ДОХ өвчний эсрэг мэдээлэл тарааж, тэмцсэн гавьяагаараа Их Британийн гүрний одонгоор шагнуулж байлаа. Түүний хамгийн сүүлийн цомог нь 2014 оны Nostalgia байв.
