2015 онд байгуулагдсан монголчуудын урдаа барьдаг загварын брэнд "Michel & Amazonka “Элдэв эрдэнэт” хэмээх модон могой жилийг угтан сар шинийн коллекцоо танилцуулсан байна.
"Парис-2024" олимпын өмнө Үндэсний шигшээ багийн хувцас загвараар Монголд төдийгүй дэлхий дахинд шуугиан тариад амжсан энэхүү брэнд нь шинэ коллекциороо олны анхаарлын төвд ахин өртлөө.
Парисын олимпын загвараасаа санаа авсан гэмээр хантааз, монгол цамц, уламжлалт хээ, угалзыг орчин үеийн загвартай хослуулсан, хээнцэр дээл болон богц нь монгол дизайнерын уран мэдрэмж, ур ухааныг дахин гайхуулж чадлаа.
