ОХУ-ын кино найруулагч, 49 настай Марк Горобец "ON и она" киноны нээлтэд ирсэн нь олны анхаарлыг татаад зогссонгүй, шүүмжлэлийн хар шуурганд дайрууллаа.
Учир нь Марк 18 настай эхнэр Александрина Олексюк, 19 настай охин Аллатайгаа хамт гарч ирсэн юм. Үзэгчид, уншигчдын эгдүүцлийг найруулагч 31 насаар залуу охинтой гэрлэсэн нь төдийгүй эхнэр, охин хоёр нь тун төстэй байсан нь хүргэжээ.
“Хэн нь охин, хэн нь эхнэр юм бэ”, “Ихэр мэт харагдаж байна”, “Ичихээ больжээ. Яаж олны өмнө хамт гарч ирдэг байна” гэсэн шүүмжлэл голдуу байв.
Марк Горобец Александрина Олексюк хоёр өнгөрсөн оны 12 дугаар сард гэрлэсэн. Гэрлэх саналаа Марк түүнд насанд хүрээгүй байхад нь тавьж байжээ. Тэрээр өмнө нь жүжигчин Светлана Устинова, Мария Шерстобитова нартай гэрлэж байв.
