Германы нийслэлд “Берлинале-2025” олон улсын кино наадам нээгдлээ. 75 дахь удаагаа явагдаж байгаа тус наадам дэлхийн том наадмуудын нэг юм.
Шүүгчдийн бүрэлдэхүүнийг АНУ-ын найруулагч Тодд Хейнс тэргүүлж байна.
Наадмын үндсэн хэсэгт “Blue Moon” (Ричард Линклейтер), “Dreams” (Мишель Франко), “What Does That Nature Say to You” (Хон Сан Су), “Hot Milk” (Ребекка Ленкевич), “The Ice Tower” (Люсиль Адзиалилович), “Continental 25” (Раду Жуде) зэрэг бүтээл өрсөлдөж байна.
Наадмыг Германы найруулагч Том Тыкверийн “The Light” кино нээсэн. Энэ кинонд нэгэн герман гэр бүл сири ажилчинтай болж байгаа тухай өгүүлдэг юм.
Үзэгчдийн дунд хүлээлт үүсгэсэн нэгэн бүтээл байгаа нь Оскарын шагналт найруулагч Бун Жун У-гийн “Микки 17”. Гол дүрд нь Роберт Паттинсон тогложээ.
Баримтат киноны төрөлд энэ жил Израил, Сири, Палестин, Украин, Иранд болж байгаа үйл явдлын талаарх бүтээл олон байна.
