20 минут нарны гэрэлд тавиад л бүтэн цагийн бичлэг үзэх цэнэгээ нөхөх зөөврийн компьютер гарсныг мэдсэн үү?
Meta, Google болон бусад эрүүл мэнд, санхүүгийн мэдээллүүдийг тань ашиглан танд туслах гар утсан дээрх хувийн туслахтай байвал ямар вэ?
Тэгвэл мэдээллийн технологи, үүрэн холбооны олон улсын хамгийн том цугларалт болох Mobile World Congress 2025-ийн зочдыг гайхшируулсан, хүлээлтээс давсан технологийн салбарын шилдэг 5 нээлтийг танилцуулж байна.
1. 3D дүрслэл нүдний шил ашиглах шаардлагагүй болжээ
RedMagic Gaming Laptop 3D загварын нөүтбүүк нь нэмэлт нүдний шил зүүх шаардлагагүйгээр 3D тоглоом тоглох технологийг танилцууллаа. Нүдний хөдөлгөөнийг секундэд 90 удаагийн давтамжтайгаар хянах камерууд болон хүний тархины тусламжтайгаар 4К нягтаршил бүхий дүрслэлтэй 3D эффектийг үүсгэх юм.
2. Монголд нэвтэрсэн ухаалаг сүлжээний систем
Энэхүү олон улсын цугларалтаар зөвхөн бүтээгдэхүүн, төхөөрөмжөөс гадна харилцаа холбоо, технологийн салбарын шинэ нээлт, амжилттай системүүдийг мөн онцолдог. Mobile World Congress 2025 арга хэмжээнд манай улсаас Юнител групп дэлхийн 54 улсын топ 100 гаруй оператор ашигладаг AUTIN системийг Төв Азийн бүс нутагт анх удаа амжилттай нэвтрүүлснийг онцолж, сайн туршлагаар тодруулжээ. Тодруулбал, хиймэл оюун ухааны тусламжтайгаар хэрэглэгчдэд ухаалаг, үр ашигтай, илүү найдвартай үйлчилгээг хангах сүлжээний хяналтын системийг нэвтрүүлжээ.
Юнител группийн AUTIN системд хийсэн сайжруулалтыг олон улсын хэмжээнд өндрөөр үнэлж, OTF арга хэмжээний хүрээнд зохион байгуулагдсан "Digital Transformation Innovation Contest 2024"-т “AUTIN-Outstanding Network Operations Award” шагналыг хүртжээ.
3. Камерын дурантай утас
Realme болон Xiaomi брэндүүд камерын дуран суурилуулах боломжтой гар утаснуудыг танилцууллаа. Realme брэнд утасны ар талд байрлах биет холбоосыг ашиглан бүх төрлийн толин тусгалгүй дуранг суурилуулах боломжтой байхаар загварчилсан бол Xiaomi брэнд утастайгаа соронзоор суурилуулж, лазер линкээр холбогдох өөрсдийн дуранг давхар танилцуулсан юм.
4. Эвхэгддэг тоглоомын удирдлага
2025 оны тренд бүтээгдэхүүнүүдийн нийтлэг шинж нь авсаархан, нимгэн, хөнгөн байхаар загварчилсан технологийн шийдлүүд байв. Samsung компанийн танилцуулсан эвхэгддэг болон эргэдэг олон төрлийн дэлгэцийн загварууд дундаас хамгийн содон нь тоглож дуусаад халаасандаа хийх боломжтой тоглоомын удирдлага байсан юм.
5. Хамгийн нимгэн гар утас
The Tecno Spark Slim загварын утас нь 5.75мм зузаантай бөгөөд танилцуулагдсан даруйдаа дэлхийн хамгийн нимгэн гар утас болсон юм. Spark Slim утасны 5,200mAh баттерей нь нимгэн загвартай утаснууд сайн баттерейтэй байж чадахгүй гэсэн нийтлэг ойлголтыг эвдэж оролцогчдын анхаарлыг татаж чадсан юм. Түүнчлэн 13MP урд камертай, 50MP хойд камертай бөгөөд 6.78 инчийн AMOLED дэлгэцтэй уг утсыг мэргэжилтнүүд энэ салбарын хүчтэй өрсөлдөгч хэмээн таамаглаж байна.
