ОХУ-ын Казаньд “Дэлхийд ирвэс судлах, хамгаалах, хамтран ажиллах” сэдэвт олон улсын хурал болж өнгөрлөө. Хурлын үеэр ОХУ, Монгол, Татарстаны Байгаль орчны сайд нар уулзаж ярилцлаа. Ярианы гол сэдэв нь Монголоос ОХУ-д бэлэглэсэн дөрвөн ирвэсийн асуудал байлаа.
Ирвэсийг Монголын Ерөнхийлөгч У.Хүрэлсүх ОХУ-ын Ерөнхийлөгч Владимир Путинд бэлэглэсэн байна. Хоёр ирвэсийг Красноярскийн “Роев ручей” амьтны хүрээлэн, үлдсэн хоёрыг Алтайн БНУ-ын “Снежный барс” төвд илгээх гэнэ. ОХУ-ын Байгалийн нөөц, экологийн яамны Олон улсын харилцааны албанаас 2020 онд Монгол улсаас ирвэс авах хүсэлт албан ёсоор гаргахаар болж байсан билээ.
Ирвэс бол Улаан номд багтсан маш ховор амьтан юм. Ирвэсийг ОХУ-д ирбис, Тувад ирбиш, Казахстанд ирвиз, Туркт ирбиз гэж нэрлэдэг. Одоогийн байдлаар дэлхийд 4000 ирвэс байгаа нь Хятад, Афганистан, Бутан, Энэтхэг, Казахстан, Кыргызстан, Монгол, Балба, ОХУ, Пакистан, Тажикстан, Узбекистан улсуудад байна. Энэ бүх оронд ирвэсийг Төв Азийн хүч чадлын бэлгэ тэмдэг гэж үзэн, баригдашгүй араатан хэмээн домог ярианд дурдсан байдаг.
Хятад 1500-2000 толгой
Монгол 700-1200
Кыргызстан 500
Энэтхэг 400
Балба 300
Пакистан 300
Тажикстан 150
Орос 120
Казахстан 100
Афганистан 100
Бутан 100
Узбекистан 50 толгой байдаг.
