Өмнөд Солонгосын алдарт жүжигчин Ким Сү Хён нь эмгэнэлтэйгээр амь насаа алдсан жүжигчин Ким Сае Ронтой 15 настайгаас нь үерхэж байсан гэх мэдээлэл олон нийтийн анхаарлын төвд орж, асар их шуугианыг дагуулсан билээ.
Ким Сае Роны үхлийн шалтгаан нь Ким Сү Хён байсан гэж гэр бүлийнхэн нь мэдэгдсэн бөгөөд Ким Сү Хёны агентлаг “Gold Medalist” уг мэдээллийг "бүрэн худал" хэмээн няцааж, "хамгийн хатуу хуулийн арга хэмжээ авах болно" гэж мэдэгдэж байсан билээ. Харин өнөөдөр буюу 3 сарын 31-нд дөнгөж сая хэвлэлийн бага хурал болж, жүжигчин эр анх удаа энэхүү харилцааны тухайд мэдээлэл өгсөн юм.
1. Тэрээр хэвлэлийн бага хурлыг эхлэх үеэр “Нэн түрүүнд, би бүгдээс нь уучлал гуйя. Надаас болж их олон хүн хүнд хэцүү байдалд орсон байх. Нас бараад удаагүй байгаа жүжигчин Ким Сае Роныг амар амгалан нойрсох боломжгүй, ийм их дуулиан шуугиан дэгдсэнд харамсаж байна“ гэжээ.
3. "Queen of Tears" цуврал цацагдах үеэр Сае Рон хамт байх үеийн зургийг цацсан. Би түүнтэй нэг жил орчим хамт байсан бөгөөд тэрхүү цуврал цацагдахаас дөрвөн жилийн өмнө юм.” хэмээв.
4. Тухайн үед кино цацагдаж байсан бөгөөд түүний ард ажиллаж байсан бүх ажилтнууд, тэрхүү төслийг бүхэлд нь баллахгүйн тулд тухайн киноны гол дүрийн хувьд гарч ирсэн ямар мэдээлэлд ихээхэн болгоомжтой хандах ёстой үе байсан гэжээ. Хэдийгээр тэрээр харилцааныхаа тухайгаа мэдэгдэхийг хүсэж байсан ч ямар нэгэн мэдэгдэл хийлгүй өнгөрүүлэх сонголтыг хийжээ. Мөн тэрээр энэхүү хулчгар үйлдлээсээ ихээхэн ичиж санаа зовж буйгаа хэлж, энэхүү ярианы үеэр уйлж эхэлсэн байна.
5. Тэрээр Сае Роныг насанд хүрээгүй байх үед нь огтхон ч болзож, харилцаа үүсгэж байгаагүй гэдгээ хэлэв.
6. Мөн тэрээр өөрийнх нь болон агентлагийн зүгээс дарамт үзүүлснээс болж жүжигчин Сае Рон амиа хороосон гэх мэдээлэл худал хэмээлээ.
7. Жүжигчин Сае Рон согтуугаар жолоо барьсан явдлын араас маш олон хүн өөрийг нь буруутгасан бөгөөд тухайн үед Сае Рон өөр хүнтэй харилцаа холбоо тогтоосон байсан учир түүнтэй дахин холбогдох тал дээр тун болгоомжтой хандсан гэжээ.
8. “Өмнө нь үерхэж байсан болохоор намайг түүнийг үхэлд хүргэсэн гэж Сае Роны гэр бүлийнхэн намайг буруутгасан. Тэд намайг хийгээгүй хэргээ хүлээхийг шаардсан. Намайг бага байхаас нь оролдсон, мөнгөөр сүрдүүлсэн гэж хэлсэн. Алуурчин гэж дайрсан.“
Мөн үүний дараа тэрээр нэгэн аудио бичлэгийг баримт болгон сонсгосон байна.
9. 2015 онд авсан зураг хэмээн шуугиан тариад байсан зураг үнэндээ 2019 оных хэмээв.
10. Маш олон хуурамч нотлох баримт, мэдээллүүдийг Сае Хоны гэр бүлийн зүгээс гаргаж ирсэн хэмээн мэдээлэв.
11. Мөн тэрээр төгсгөлд нь “Би хийсэн зүйлсээсээ уучлал гуйж байна. Түүндээ ч буруугаа хүлээнэ. Харин хийгээгүй хэргүүддээ би буруутгагдмааргүй байна. Би нэрээ цэвэрлэмээр байна. Надад итгээч гэж би гуйхгүй. Гэхдээ би батлан харуулах болно. Баярлалаа.“
12. Үүний дараа түүний өмгөөлөгч Ким Жон-бук мэдэгдэл хийсэн бөгөөд хуурамч мэдээлэл цацсан гэр бүлийнхний эсрэг гомдол гаргаж, шүүхэд хандсан байгаа гэдгээ хуваалцлаа.
