Төв талбай дээр залуус “амар” амьдралыг зүгээр ч нэг мөрөөдөж биш, харин бүтээнэ гэдгээ илэрхийлэхээр 21 дэх хоногтоо жагсаж байна. Хариуцлагатай засаглал, шударга нийгмийн төлөөх залуусын дуу хоолой сүүлийн жилүүдийн иргэний идэвх, нийгмийн өөрчлөлтийн хамгийн тод дүр зургуудын нэг болон үлдэж байгааг бүгд гэрчилж байгаа биз ээ. “Огцрох амархан” жагсаалд оролцогчдын сэтгэл хөдлөл, байр суурь, уриа лоозон, хүсэл тэмүүллийг бид гэрэл зургаар танд мэдрүүлэхийг хичээв.
Жагсаалд оролцогчдын дийлэнх нь 18–30 насны залуус байх аж. Оролцогчид гар бичмэл, хэвлэмэл янз бүрийн уриа барьсан нь анхаарал татна.
Энд ирсэн залуус бүгд л улс орныхоо ирээдүйд санаа зовж, зугтаад гадаад орныг зорих биш, асуудлуудаа шийдээд эх орондоо сайхан амьдрахыг хүсэж буйгаа илэрхийлж байлаа.
Хамгийн гол нь, уг жагсаалыг тайван, хүчирхийлэлгүй, эмх цэгцтэй байхад анхаарч буй зохион байгуулагч, сайн дурын ажилтнуудад талархам.
Хэрэв та өөрийн дуу хоолойг мөн адил тайван замаар илэрхийлж, нэгдэхийг хүсвэл “Огцрох амархан“ жагсаалын өнөөдрийн хуваарь 21 цагаас дуусах болно.
